جاڭالىقتار
ەلىمىزدە باسپانا باعاسى ءوستى
ەكىنشى نارىقتاعى ءۇي مەن جالعا بەرىلەتىن پاتەر باعاسى دا ىرىققا كونبەي تۇر. سوعان قاراماستان, بىلتىر باسپانالى بولعاندار از ەمەس.
ءبىر جىلدا ساتۋ جانە ساتىپ الۋ بويىنشا 400 مىڭعا جۋىق كەلىسىم جاسالدى, دەپ جازادى qazaqstan.tv.
ال بيىل تۇرعىن ءۇي نارىعىندا باعا قالاي وزگەرەدى? ناۋرىز ايىنان باستاپ باسپانا كۇرت قىمباتتايدى دەگەن بولجام قانشالىقتى راس? ريەلتەرلەر قاۋىمداستىعى پرەزيدەنتىنىڭ پىكىرىن بىلدىك.
«باسپانا كۇرت قىمباتتايدى» دەپ, الدىن الا دۇربەلەڭگە سالىنۋدىڭ قاجەتى جوق. باعا ءوسىمى سۇرانىسقا بايلانىستى بولادى. قازىر دوللار قۇبىلىپ, قۇرىلىس ماتەريالدارى قىمباتتاعان سوڭ, سۇرانىس تومەن. ءتيىمدى يپوتەكالىق باعدارلامالاردىڭ ازدىعى تاعى بار. وسىنىڭ ءبارىن ەسكەرسەك, باعا جىل سوڭىنا دەيىن 7 پايىزعا ءوسۋى مۇمكىن. دەگەنمەن قوسىلعان قۇن سالىعىنا قاتىستى شەشىم نارىققا اسەر ەتۋى مۇمكىن ەكەنىن ايتا وتكەن ءجون.لاريسا ستەپانەنكو, قازاقستاننىڭ ءوزىن-ءوزى رەتتەيتىن ريەلتەر قاۋىمداستىعىنىڭ پرەزيدەنتى
