Jańalyqtar

Elimizde baspana baǵasy ósti

11.02.2025

0 114

Foto: ashyq derekkóz

Baspana naryǵynda jańa úıler qymbattap jatyr. Ulttyq statıstıka bıýrosynyń málimetinshe, baǵa bir jylda 4 paıyzǵa kóterilgen. О́sim, ásirese, Pavlodar, Aqtóbe, Kókshetaý qalalarynda baıqalady, dep habarlaıdy qandastar.kz

Ekinshi naryqtaǵy úı men jalǵa beriletin páter baǵasy da yryqqa kónbeı tur. Soǵan qaramastan, byltyr baspanaly bolǵandar az emes.

Bir jylda satý jáne satyp alý boıynsha 400 myńǵa jýyq kelisim jasaldy, dep jazady qazaqstan.tv.

Al bıyl turǵyn úı naryǵynda baǵa qalaı ózgeredi? Naýryz aıynan bastap baspana kúrt qymbattaıdy degen boljam qanshalyqty ras? Rıelterler qaýymdastyǵy prezıdentiniń pikirin bildik.

«Baspana kúrt qymbattaıdy» dep, aldyn ala dúrbeleńge salynýdyń qajeti joq. Baǵa ósimi suranysqa baılanysty bolady. Qazir dollar qubylyp, qurylys materıaldary qymbattaǵan soń, suranys tómen. Tıimdi ıpotekalyq baǵdarlamalardyń azdyǵy taǵy bar. Osynyń bárin eskersek, baǵa jyl sońyna deıin 7 paıyzǵa ósýi múmkin. Degenmen qosylǵan qun salyǵyna qatysty sheshim naryqqa áser etýi múmkin ekenin aıta ótken jón.Larısa Stepanenko, Qazaqstannyń ózin-ózi retteıtin rıelter qaýymdastyǵynyń prezıdenti

Ilmekter