Elimizde benzın tapshylyǵyn boldyrmaý úshin eksport shektelmek

Foto: Energetıka mınıstrligi

Qazaqstan keıbir munaı ónimderin Eýrazııalyq ekonomıkalyq odaq aýmaǵynan tys jerge tasymaldaýdy shektemek, dep habarlaıdy Qandastar.kz.

Energetıka mınıstrliginiń habarlaýynsha, búgingi tańda AI-92 janar-jaǵar maıy men dızel otynyna suranys artyp keledi. Qarjy monıtorıngi agenttiginiń aqparaty boıynsha «jabyn taýarlary» túrindegi janar-jaǵar maı «sur» eksportynyń jáne aǵyndarynyń aı saıynǵy kólemi 10 myń tonnaǵa jetedi. Bul baǵa shekaralas elderge qaraǵanda 17 – 107% -ǵa tómen bolyp otyr. Sol sebepti benzın men dızel otynyn jasyryn jolmen tasymaldaý derekteri kóbeıgen. Osylaısha, «jabyn taýarlary» degen atpen munaı ónimderin áketýge baqylaýdy kúsheıtý talap etilmek.

«Qazaqstan Respýblıkasy Energetıka mınıstriniń 2023 jylǵy 24 naýryzdaǵy № 118 buıryǵyna ózgeris engizý týraly» Qazaqstan Respýblıkasy Energetıka, saýda jáne ıntegraııa, qarjy jáne Ulttyq ekonomıka mınıstrlikteriniń Eýrazııalyq ekonomıkalyq odaqtyń kedendik aýmaǵynan tys jerlerge Qazaqstan Respýblıkasynan eksportqa tyıym salynǵan nemese shektelgen munaı ónimderiniń tizbesin bekitý týraly» birlesken buıryǵynyń jobasy (budan ári — buıryq jobasy) daıyndaldy.

Buıryqtyń jobasy buıryqqa qosymshaǵa sáıkes Qazaqstan Respýblıkasynyń aýmaǵynan Eýrazııalyq ekonomıkalyq odaqtyń kedendik aýmaǵynan tys munaı ónimderiniń jekelegen túrlerin áketýge tyıym salýdy 2024 jylǵy 31 jeltoqsannan 2026 jylǵy 31 jeltoqsanǵa deıin uzartýdy kózdeıdi.

Munaı ónimderin EAEO-dan tys jerlerge áketýge tyıym salý mynadaı múmkindik beredi:

qazaqstandyq MО́Z-diń jumys istemeıtin qýattaryn júkteý jáne tıisinshe eldegi avtobenzın tapshylyǵyn azaıtý;

bajsyz jetkizý sharttaryn oryndaý jáne EAEO munaı jáne munaı ónimderiniń ortaq naryqtary qurylǵanǵa deıin ımporttyq munaı ónimderiniń keri eksportyn alyp tastaý.

Munaı ónimderi eksportyna tyıym salý merzimin taǵy eki jyl uzartýǵa qatysty qujat 23 qazan kúni «Ashyq NQA» saıtynda jarııalandy.