Elimizde bilim berý granttary artty

Foto: Aqorda

Prezıdent Qasym-Jomart Toqaev «Jańa adamdar» forýmynda Qazaqstandaǵy bilim berý júıesindegi ózgeriske toqtaldy. Memleket basshysy bilým berý grantynyń ulǵaıǵanyn aıtty, dep jazdy qandastar.kz

«Mektep túlekteriniń joǵary oqý ornyna nemese kolledjge grantqa túsý múmkindigi zor. Sońǵy jyldary grant sanyn aıtarlyqtaı ulǵaıttyq. «Bolashaq» baǵdarlamasymen myńdaǵan jas shetelde bilim alýda. Olar Qazaqstanǵa kelgen soń el damýyna úles qosady. «Prezıdenttik jastar kadr rezervi» suranysqa ıe jobaǵa aınaldy. Keleshekte memleketti basqarýshylardyń negizgi legi osy jas mamandardan qalyptasady. Saıası reformalar aıasynda Májilis pen máslıhattarda jastar úshin arnaıy kvota engizildi. Bul ókildik bılik qyzmetine tyń serpin berdi. Osy jerge jınalǵan bilimpaz, otanshyl jastar máslıhattyń nemese Parlamenttiń quramyna kiretinine, tipti Úkimette jumys isteıtinine kámil senemin”, — dedi Prezıdent.

Sondaı-aq memleket basshysy jas kásipkerler men otbasylardy qoldaýǵa aıryqsha mán beriletinin aıtty. Mysaly, bıznesti damytýǵa jáne baspana alýǵa jeńildikpen nesıe berý qarastyrylǵan.

Bul balalar men jastardyń ómirden óz ornyn tabýyna jaǵdaı jasaýǵa baǵyttalǵan baǵdarlamalar men jobalardyń bir parasy.