قارجى جانە تولەمدەر
ەلىمىزدە ەلەكتروەنەرگيا بىردەن 20 پايىزعا قىمباتتادى
فوتو: اشىق دەرەككوز
1 اقپاننان باستاپ ەلىمىزدە جارىق باعاسى 20 پايىزعا ارتتى, دەپ حابارلايدى qandastar.kz
مينيسترلىكتىڭ مالىمەتى بويىنشا, ەلىمىزدە جالپى 36 ەلەكتر ستانتسياسى ءتاريفتى كوتەردى.
«تۇپكىلىكتى ءتاريفتى قازاقستان رەسپۋبليكاسىنىڭ ۇلتتىق ەكونوميكا مينيسترلىگىنە قاراستى تابيعي مونوپوليالاردى رەتتەۋ كوميتەتى بەكىتەدى. ءبىز قازىر ءتاريفتى قابىلدادىق, ءارى قاراي ەنەرگيا جەتكىزۋشى ۇيىمدار ءوز وتىنىشتەرىن بەرەدى, سوسىن ۇلتتىق ەكونوميكا مينيسترلىگى ارىپتەستەرىمەن بىرگە جاڭا ءتاريفتى بەكىتەدى», – دەيدى ەنەرگەتيكا مينيسترلىگى ەلەكتر ەنەرگەتيكاسىن دامىتۋ دەپارتامەنتىنىڭ باس ساراپشىسى جانارىس مۇساحان ۇلى.
بۇل وزگەرىستەردىڭ ناتيجەسىندە قاراپايىم تۇتىنۋشىلار ەلەكتر قۋاتىنىڭ ءار كيلوۆاتى ءۇشىن ەكى تەڭگە ارتىق تولەيدى. ءتاريفتىڭ وسۋىنە قىزمەتكەرلەردىڭ جالاقىلارىنىڭ كوتەرىلۋى, كومىر مەن گاز باعاسىنىڭ ءوسۋى جانە ستانتسيالاردى جاڭارتۋ جۇمىستارى سەبەپ بولعان. وتكەن اپتادا قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا تمد ەلدەرىندە ەلەكتر ەنەرگياسى, گاز جانە مۇناي ونىمدەرىنىڭ باعاسى قازاقستانعا قاراعاندا قىمبات ەكەنىن اتاپ ءوتتى. ول تاريفتەر نارىق تالابىنا سايكەس بولماسا, ەلەكتر ەنەرگياسى, جىلۋ جانە سۋمەن ۇزدىكسىز قامتاماسىز ەتۋ مۇمكىن بولمايتىنىن ايتتى.
