Elimizde elektroenergııa birden 20 paıyzǵa qymbattady

Foto: ashyq derekkóz

1 aqpannan bastap elimizde jaryq baǵasy 20 paıyzǵa artty, dep habarlaıdy qandastar.kz

Mınıstrliktiń málimeti boıynsha, elimizde jalpy 36 elektr stanııasy tarıfti kóterdi.

«Túpkilikti tarıfti Qazaqstan Respýblıkasynyń Ulttyq ekonomıka mınıstrligine qarasty Tabıǵı monopolııalardy retteý komıteti bekitedi. Biz qazir tarıfti qabyldadyq, ári qaraı energııa jetkizýshi uıymdar óz ótinishterin beredi, sosyn Ulttyq ekonomıka mınıstrligi áriptesterimen birge jańa tarıfti bekitedi», – deıdi Energetıka mınıstrligi elektr energetıkasyn damytý departamentiniń bas sarapshysy Janarys Musahanuly.

Bul ózgeristerdiń nátıjesinde qarapaıym tutynýshylar elektr qýatynyń ár kılovaty úshin eki teńge artyq tóleıdi. Tarıftiń ósýine qyzmetkerlerdiń jalaqylarynyń kóterilýi, kómir men gaz baǵasynyń ósýi jáne stanııalardy jańartý jumystary sebep bolǵan. О́tken aptada Qasym-Jomart Toqaev úkimettiń keńeıtilgen otyrysynda TMD elderinde elektr energııasy, gaz jáne munaı ónimderiniń baǵasy Qazaqstanǵa qaraǵanda qymbat ekenin atap ótti. Ol tarıfter naryq talabyna sáıkes bolmasa, elektr energııasy, jylý jáne sýmen úzdiksiz qamtamasyz etý múmkin bolmaıtynyn aıtty.