Elimizde EQ kiltin alý tártibi ózgeredi

11 tamyzdan bastap Qazaqstanda elektrondyq ıfrlyq qoltańbany (EQ) alý tártibi ózgeredi, dep habarlaıdy turkystan.kz.

ıfrlyq damý, ınnovaııalar jáne aeroǵarysh ónerkásibi mınıstrligi bul qyzmetti tolyǵymen onlaın-formatqa aýystyrady. Bul sheshim azamattardyń derbes derekterin qorǵaý deńgeıin arttyrý jáne jeke ıfrlyq derekterdiń qaýipsizdigin qamtamasyz etýge baǵyttalǵan. Ol elektrondyq qoltańbany bógde tulǵalarǵa alý jaǵdaıynyń aldyn alady

Buryn EQ kiltterin onlaın da, HQKO-da da alýǵa bolatyn. Endi bul proedýra tolyqtaı onlaın formatqa kóshirildi.

EQ-ny onlaın qalaı alýǵa bolady:

• egov.kz nemese pki.gov.kz portalyna kirińiz;
• Onlaın ótinim jiberińiz;
• Bıometrııalyq sáıkestendirýden ótińiz – júıe kamera arqyly bet-álpetińizdi tanıdy.

Eger tulǵa sátti rastalsa, EQ kilti birden, HQKO qyzmetkerleriniń qatysýynsyz onlaın túrde beriledi. Keıde júıe sizdi tanı almaýy múmkin – mysaly, bazada fotosýret bolmasa nemese tehnıkalyq aqaý oryn alsa, júıe 5 retke deıin bıometrııalyq tekserýden ótkizýge múmkindik beredi. Osy áreketter sátsiz aıaqtalǵan soń ǵana HQKO-ǵa júginý múmkindigi paıda bolady.

Mańyzdysy – bıometrııadan ótpeıinshe, HQKO-da operator arqyly ótinish berý múmkin emes. Operator JSN boıynsha aqparatty tekseredi jáne eger bes ret sátsiz bıometrııa tapsyrý áreketi bolmaǵan jaǵdaıda, qyzmet kórsete almaıdy. Onlaın qyzmet tolyq paıdalanylǵannan keıin ǵana HQKO arqyly ótinish berý múmkindigi avtomatty túrde ashylady.

Internetke nemese kompıýterge qoljetimdiligi joq azamattar úshin HQKO-nyń ózine-ózi qyzmet kórsetý aımaqtarynda bıometrııadan ótý múmkindigi qarastyrylǵan. Eger paıdalanýshy sol jerde sátti ıdentıfıkaııadan ótse, EQ kiltteri HQKO operatorynyń qatysýynsyz onlaın túrde beriledi.

Qazaqstanda EQ berý proesiniń negizinen qashyqtan formatqa aýysqany statıstıkalyq derektermen rastalady. 2025 jyldyń basynan beri respýblıka boıynsha 14,9 mıllıonnan astam EQ kilti berildi. Sonyń ishinde 92,25%-y qashyqtan sáıkestendirý arqyly, al nebári 7,75%-y HQKO arqyly rásimdelgen. Bul derekter onlaın-servıstiń joǵary suranysqa ıe ekenin jáne memlekettik qyzmetterdiń ıfrlandyrý baǵytynda turaqty úrdis qalyptasqanyn kórsetedi.

Bul jańashyldyq aqparattyq qaýipsizdik deńgeıin arttyrýǵa baǵyttalǵan. EQ óz qolymen qoıylǵan qoltańbaǵa teńestiriledi jáne tolyq zańdy kúshke ıe, sondyqtan EQ kiltterine qoljetimdilik tek onyń ıesinde ǵana bolady. Bıometrııany qoldaný jeke tulǵany senimdi túrde rastaýǵa jáne EQ kiltterin zańsyz alý jaǵdaılarynyń aldyn alýǵa múmkindik beredi.