ەلىمىزدە فاست-فۋد پەن زياندى تاعامداردىڭ جارناماسىنا شەكتەۋ قويىلادى – مينيسترلىك

دەنساۋلىق ساقتاۋ مينيسترلىگىنىڭ سانيتاريالىق-ەپيدەميولوگيالىق باقىلاۋ كوميتەتى قازاقستاندا فاست-فۋد پەن زياندى تاعامداردىڭ جارناماسىنا شەكتەۋ قويماق, دەپ حابارلايدى Qandastar.kz اقپارات پورتالى.

«ازىق-ت ۇلىك ماركەتينگىنىڭ بالالارعا زياندى اسەرىن تۇسىنە وتىرىپ, دۇنيەجۇزىلىك دەنساۋلىق ساقتاۋ ۇيىمى بالالارعا باعىتتالعان تاماق جانە الكوگولسىز سۋسىندار ماركەتينگى بويىنشا ۇسىنىستار جيناعىن ازىرلەدى. وعان سايكەس «2025-2026 جىلدارعا ارنالعان دۇرىس تاماقتانۋعا جاردەمدەسۋ» ءىس-شارالارىن ىسكە اسىرۋ جونىندەگى جول كارتاسىنا ءتيىستى ءىس-شارالاردى ەنگىزە وتىرىپ, ازىق-ت ۇلىك بەيىنىن ازىرلەۋگە كىرىستى.

قورەكتىك زاتتاردىڭ ءپروفيلىن ازىرلەۋ بالالارعا باعىتتالعان قانىققان مايلار, ترانس ماي قىشقىلدارى, بوس قانتتار مەن تۇزى جوعارى تاعام ماركەتينگىنىڭ اسەر ەتۋ اۋقىمى مەن سيپاتىنا مونيتورينگ جۇرگىزۋ مەن باعالاۋعا, سونداي-اق قورىتىندىسى بويىنشا ءتيىستى شارالار قابىلداۋعا مۇمكىندىك بەرەدى», – دەلىنگەن جازبادا.

كوميتەتتىڭ مالىمدەۋىنشە, قورەكتىك زاتتاردىڭ ءپروفيلىن انىقتاۋ – بۇل حالىق اراسىندا, سونىڭ ىشىندە بالالاردا جۇقپالى ەمەس اۋرۋلاردىڭ الدىن الۋ ءۇشىن قۇرامىندا قانت, تۇز, ترانس مايلارىنىڭ ارتىق مولشەرى بار وڭدەلگەن تاعامداردى جىكتەۋ نەمەسە سارالاۋ ءادىسى.

ازىق-ت ۇلىك ماركەتينگى – سەمىزدىككە اكەلەتىن ورتانىڭ ماڭىزدى ەلەمەنت, ويتكەنى ول بەلگىلى ءبىر تاعامدىق ارتىقشىلىقتاردى, ساتىپ الۋلاردى جانە تۇتىنۋ ادەتتەرىن ەنگىزۋ ارقىلى دۇرىس ەمەس ديەتانى ناسيحاتتايدى.

«وكىنىشتىسى سول, بالالار مەن جاسوسپىرىمدەر كوبىنەسە قانت, كونديتەرلىك ونىمدەر, فاست-فۋد جانە دايىن تاڭعى اس سياقتى ماي, قانت جانە تۇزى جوعارى تاعامداردى جارنامالايتىن ازىق-ت ۇلىك وندىرۋشىلەرىنىڭ ماركەتينگتىك ستراتەگيالارىنىڭ ماقساتتى اۋديتورياسىنا اينالۋدا», – دەلىنگەن حابارلامادا.