Elimizde fast-fýd pen zııandy taǵamdardyń jarnamasyna shekteý qoıylady – Mınıstrlik

Densaýlyq saqtaý mınıstrliginiń Sanıtarııalyq-epıdemıologııalyq baqylaý komıteti Qazaqstanda fast-fýd pen zııandy taǵamdardyń jarnamasyna shekteý qoımaq, dep habarlaıdy Qandastar.kz aqparat portaly.

«Azyq-túlik marketınginiń balalarǵa zııandy áserin túsine otyryp, Dúnıejúzilik densaýlyq saqtaý uıymy balalarǵa baǵyttalǵan tamaq jáne alkogolsiz sýsyndar marketıngi boıynsha usynystar jınaǵyn ázirledi. Oǵan sáıkes «2025-2026 jyldarǵa arnalǵan durys tamaqtanýǵa járdemdesý» is-sharalaryn iske asyrý jónindegi Jol kartasyna tıisti is-sharalardy engize otyryp, azyq-túlik beıinin ázirleýge kiristi.

Qorektik zattardyń profılin ázirleý balalarǵa baǵyttalǵan qanyqqan maılar, trans maı qyshqyldary, bos qanttar men tuzy joǵary taǵam marketınginiń áser etý aýqymy men sıpatyna monıtorıng júrgizý men baǵalaýǵa, sondaı-aq qorytyndysy boıynsha tıisti sharalar qabyldaýǵa múmkindik beredi», – delingen jazbada.

Komıtettiń málimdeýinshe, qorektik zattardyń profılin anyqtaý – bul halyq arasynda, sonyń ishinde balalarda juqpaly emes aýrýlardyń aldyn alý úshin quramynda qant, tuz, trans maılarynyń artyq mólsheri bar óńdelgen taǵamdardy jikteý nemese saralaý ádisi.

Azyq-túlik marketıngi – semizdikke ákeletin ortanyń mańyzdy element, óıtkeni ol belgili bir taǵamdyq artyqshylyqtardy, satyp alýlardy jáne tutyný ádetterin engizý arqyly durys emes dıetany nasıhattaıdy.

«О́kinishtisi sol, balalar men jasóspirimder kóbinese qant, kondıterlik ónimder, fast-fýd jáne daıyn tańǵy as sııaqty maı, qant jáne tuzy joǵary taǵamdardy jarnamalaıtyn azyq-túlik óndirýshileriniń marketıngtik strategııalarynyń maqsatty aýdıtorııasyna aınalýda», – delingen habarlamada.