Elimizde qaýiptiń «sary» deńgeıi alyp tastaldy

Astana, Almaty, Qaraǵandy jáne Kókshetaý qalalarynda terrorızmge qarsy operaııanyń rejımi aıaqtaldy, dep habarlaıdy qandastar.kz.

Terrorızmge qarsy kúres jónindegi respýblıkalyq jedel shtabtyń málimetinshe, bul ShYU-ǵa múshe memleketter basshylarynyń sammıti men Qytaı Halyq Respýblıkasy tóraǵasynyń memlekettik saparynyń aıaqtalýyna baılanysty qabyldanǵan sheshim.

«Qazaqstan Respýblıkasy Memlekettik kúzet qyzmetiniń bastyǵy, kúzetiletin adamdardyń qaýipsizdigin qamtamasyz etý jónindegi kúzet is-sharalaryn júrgizý kezinde terrorızmge qarsy kúres jónindegi respýblıkalyq jedel shtabtyń basshysy retinde «Terrorızmge qarsy is-qımyl týraly» Zańnyń 13 jáne 15-baptary negizinde Astana qalasynda 4 shildede 23 saǵat 59 mınýttan bastap terrorızmge qarsy operaııanyń quqyqtyq rejımin joıý týraly sheshim qabyldady», – delingen habarlamada.

QR Prezıdentiniń 2013 jylǵy 9 tamyzdaǵy № 611 Jarlyǵymen bekitilgen «Terrorızm aktisi qateriniń týyndaýy týraly halyqty habardar etý jáne aqparat monıtorınginiń memlekettik júıesin uıymdastyrý jáne jumys isteý qaǵıdalaryna» sáıkes, Astana, Almaty, Qaraǵandy jáne Kókshetaý qalalarynda 4 shildede 23 saǵat 59 mınýttan bastap terrorıstik qaýipiń qalypty («sary») deńgeıi alyp tastalady, dep habarlady ortalyq.

Qaýipsizdik kúshteri bólimsheleri qalypty jumys rejımine oralyp jatyr.