جاڭالىقتار
ەلىمىزدە قازاق ءتىلىنىڭ ۇلتتىق كورپۋسى قۇرىلادى
فوتو: اشىق دەرەككوز
ەلىمىزدە قازاق ءتىلىنىڭ ۇلتتىق كورپۋسى قۇرىلادى, دەپ جازدى qandastar.kz
سەنات وسىعان قاتىستى قۇجاتتى ماقۇلدادى. زاڭعا سايكەس, قازاق ءتىلىنىڭ سوزدىك قورىنا قولجەتىمدىلىكتى قامتاماسىز ەتەتىن مەملەكەتتىك اقپاراتتىق جۇيەسى قۇرىلىپ, ۇلتتىق سوزدىك قورى ازىرلەنەدى. بۇل جۇيەدە قازاق ءتىلىنىڭ بارلىق ستيلدەرى مەن جانرلارىنىڭ ماتىندەرى قامتىلادى. سول پلاتفورمادا اقپاراتتىق-انىقتامالىق رەتىندە قازاق ءتىلىنىڭ ۇلتتىق كورپۋسىن قۇرۋ كوزدەلگەن.
atamekenbusiness_qaz حابارلاعانداي, بۇل شارالار نەگىزىندە ماتىندەردى وڭدەپ, گەنەراتسيالايتىن, تالداۋ جۇرگىزەتىن جاساندى نەيروندىق جەلىگە نەگىزدەلگەن قازاق ءتىلىنىڭ سوزدىك قورىن قولجەتىمدى ەتەتىن اۋقىمدى ءتىل مودەلى قالىپتاسادى.
«بۇل تۇزەتۋلەر, قازاق ءتىلىن مادەني قۇندىلىق رەتىندە ءارى قاراي دامىتۋعا مۇمكىندىك بەرەدى, مەملەكەتتىك ءتىل رەتىندە مارتەبەسىن نىعايتادى», – دەدى سەناتور التىنبەك نۇح ۇلى.
