ەلىمىزدە مەرەكە كۇندەرى قوسىمشا پويىزدار جۇرەدى

فوتو: اشىق دەرەككوز

تاۋەلسىزدىك كۇنى مەن جاڭا جىلعا وراي قوسىمشا پويىزدار جۇرە باستايدى. كولىك مينيسترلىگى جولاۋشىلار تاسىمالى قاي باعىت بويىنشا جۇرەتىنىن ءتۇسىندىردى, دەپ حابارلادى qandastar.kz.

قوسىمشا پويىزدار استانادان شىمكەنت پەن الماتىعا, سونىمەن قاتار اقتوبەدەن ەلورداعا قاتىنايدى. مينيسترلىكتىڭ حابارلاۋىشا, وسى ۋاقىتتاردا سۇرانىس وتە جوعارى بولادى.

مەرەكە كۇندەرى قازاقستاندىقتار اراسىندا باسقا دا تانىمال مارشرۋتتار بار. ولار ەلوردا مەن ەلدىڭ وڭتۇستىگىندەگى, باتىسى مەن شىعىسىنداعى ءىرى قالالار اراسىندا, سونداي-اق الماتى مەن سولتۇستىك, باتىس جانە ورتالىق وبلىستار اراسىندا جۇمىس ىستەيدى. بۇل پويىزدارعا بىرنەشە مىڭ ورىندىق قوسىمشا ۆاگونداردى بەكىتۋدى جوسپارلاپ وتىر.

“22 مىڭ جولاۋشىعا ارنالعان قوسىمشا 500 تىركەمە بولادى. جالپى بۇل قازىر الدىن الا مالىمەت ەكەنىن ايتۋ كەرەك. قاراشانىڭ ورتاسىنا قاراي قوسىمشا پويىزداردى ىسكە قوسۋ تۋرالى شەشىم قابىلدانادى. ەشقانداي باعا وزگەرمەيدى, كوتەرىلمەيدى”, – دەپ مالىمدەدى كولىك مينيسترلىگىنىڭ رەسمي وكىلى ءلاززات ستامعازيەۆا.