Elimizde mereke kúnderi qosymsha poıyzdar júredi

Foto: ashyq derekkóz

Táýelsizdik kúni men jańa jylǵa oraı qosymsha poıyzdar júre bastaıdy. Kólik mınıstrligi jolaýshylar tasymaly qaı baǵyt boıynsha júretinin túsindirdi, dep habarlady qandastar.kz.

Qosymsha poıyzdar Astanadan Shymkent pen Almatyǵa, sonymen qatar Aqtóbeden elordaǵa qatynaıdy. Mınıstrliktiń habarlaýysha, osy ýaqyttarda suranys óte joǵary bolady.

Mereke kúnderi qazaqstandyqtar arasynda basqa da tanymal marshrýttar bar. Olar elorda men eldiń ońtústigindegi, batysy men shyǵysyndaǵy iri qalalar arasynda, sondaı-aq Almaty men soltústik, batys jáne ortalyq oblystar arasynda jumys isteıdi. Bul poıyzdarǵa birneshe myń oryndyq qosymsha vagondardy bekitýdi josparlap otyr.

“22 myń jolaýshyǵa arnalǵan qosymsha 500 tirkeme bolady. Jalpy bul qazir aldyn ala málimet ekenin aıtý kerek. Qarashanyń ortasyna qaraı qosymsha poıyzdardy iske qosý týraly sheshim qabyldanady. Eshqandaı baǵa ózgermeıdi, kóterilmeıdi”, – dep málimdedi kólik mınıstrliginiń resmı ókili Lázzat Stamǵazıeva.