جاڭالىقتار
ەلىمىزدە مۇناي كەن ورىندارى سارقىلىپ جاتىر
فوتو: اشىق دەرەككوز
ەلىمىزدە مۇناي كەن ورىندارى سارقىلىپ جاتىر , دەپ جازدى qandastar.kz
ءتىپتى ەسكى جەرلەردە قارا التىندى يگەرۋ قيىنداي ءتۇستى. ەنەرگەتيكا مينيسترىلىگىنىڭ مالىمەتىنشە, بۇرىنعى ورىنداردان شىعاتىن مۇنايعا كوپ مولشەردە سۋ ارالاسادى. ءارى باسىم بولىگى تۇتقىرلى جانە تومەن وتكىزگىشكە يە كاربوناتتى قويمالاردا ورنالاسقان. سوندىقتان جاڭا كەن ورىندارى قاجەت. ول ءۇشىن «جەر قويناۋى تۋرالى» كودەكسكە تۇزەتۋ ەنگىزىپ, گەولوگيالىق بارلاۋ جۇمىستارىنا جىلدام كوشۋ كەرەك دەيدى ۆەدومستۆو وكىلدەرى. ساراپشىلاردىڭ پىكىرىنشە, بىزدە مۇناي قورىنىڭ تەك بەستەن ءبىرى عانا يگەرىلەدى. قالعانى زەرتتەلمەگەن كۇيى جاتىر. سوندىقتان قارا التىندى جەرگە كوتەرەتىن تەحنولوگيا اكەپ, تىڭ ادىسكە كوشۋ ماڭىزدى.
«2015-2016 جىلدارى قىزىلوردا ءوڭىرى 9 ملن مۇناي وندىرەتىن بولسا, قازىرگى تاڭدا 3,5 ملن-عا ءتۇسىپ قالدى. ينۆەستورلاردىڭ ءوزى «سوڭعى 15 جىلدا مۇنايدىڭ ءداۋىرى بىتەدى, جاسىل ەنەرگيا مۇنايدى جەڭەدى» دەگەن فەيك جاڭالىقتىڭ جەتەگىندە ءجۇرىپ, ءتىپتى مۇناي قورىنا اقشا سالۋدى توقتاتىپ قويدى دا, قازىرگى تاڭدا زاردابىن شەگىپ جاتىر», — دەدى KazService وداعىنىڭ تورالقا توراعاسى راشيد جاقسىلىقوۆ.
سوڭعى جىلدارى يگەرىلىپ جاتقان جاڭا كەن ورىندارى جوق ەمەس – بار. بىراق تىم از, 15-اق پايىز. ماسەلەن بىلتىر 88 ملن توننا مۇناي وندىرسەك, سونىڭ تەك 13 ملن-ى جاڭا كەن ورىندارىنان الىنعان. وتكەن جىلى جالپى 28 جەردەن قارا التىن يگەرۋ باستامالارى كوتەرىلگەن. سونىمەن قاتار 8 الاڭدا العاشقى سىناق وتكىزۋ كوزدەلگەن.
«بىزدە بۇكىل مەندەلەەۆ تابليتساسى بولعانىمەن بىزدە قانىش ساتباەۆ بار ما قازىرگى تاڭدا. وسىنى ەرتەڭ ۇقساتىپ بەرە الاتىن», — دەدى جاقسىلىقوۆ.
