Jańalyqtar
Elimizde munaı ken oryndary sarqylyp jatyr
Foto: ashyq derekkóz
Elimizde munaı ken oryndary sarqylyp jatyr , dep jazdy qandastar.kz
Tipti eski jerlerde qara altyndy ıgerý qıyndaı tústi. Energetıka mınıstriliginiń málimetinshe, burynǵy oryndardan shyǵatyn munaıǵa kóp mólsherde sý aralasady. Ári basym bóligi tutqyrly jáne tómen ótkizgishke ıe karbonatty qoımalarda ornalasqan. Sondyqtan jańa ken oryndary qajet. Ol úshin «jer qoınaýy týraly» kodekske túzetý engizip, geologııalyq barlaý jumystaryna jyldam kóshý kerek deıdi vedomstvo ókilderi. Sarapshylardyń pikirinshe, bizde munaı qorynyń tek besten biri ǵana ıgeriledi. Qalǵany zerttelmegen kúıi jatyr. Sondyqtan qara altyndy jerge kóteretin tehnologııa ákep, tyń ádiske kóshý mańyzdy.
«2015-2016 jyldary Qyzylorda óńiri 9 mln munaı óndiretin bolsa, qazirgi tańda 3,5 mln-ǵa túsip qaldy. Investorlardyń ózi «sońǵy 15 jylda munaıdyń dáýiri bitedi, jasyl energııa munaıdy jeńedi» degen feık jańalyqtyń jeteginde júrip, tipti munaı qoryna aqsha salýdy toqtatyp qoıdy da, qazirgi tańda zardabyn shegip jatyr», — dedi KazService odaǵynyń tóralqa tóraǵasy Rashıd Jaqsylyqov.
Sońǵy jyldary ıgerilip jatqan jańa ken oryndary joq emes – bar. Biraq tym az, 15-aq paıyz. Máselen byltyr 88 mln tonna munaı óndirsek, sonyń tek 13 mln-y jańa ken oryndarynan alynǵan. О́tken jyly jalpy 28 jerden qara altyn ıgerý bastamalary kóterilgen. Sonymen qatar 8 alańda alǵashqy synaq ótkizý kózdelgen.
«Bizde búkil Mendeleev tablıasy bolǵanymen bizde Qanysh Sátbaev bar ma qazirgi tańda. Osyny erteń uqsatyp bere alatyn», — dedi Jaqsylyqov.
