جاڭالىقتار
ەلىمىزدە ونلاين نەسيەگە تىيىم سالۋدىڭ قاجەتى جوق
فوتو: pixabay.com
قارجى نارىعىن رەتتەۋ جانە دامىتۋ اگەنتتىگىنىڭ باسشىسى ءمادينا ابىلقاسىموۆا دەپۋتاتتىڭ سۇراعىنا جاۋاپ بەرۋ كەزىندە وسىلاي دەدى, دەپ حابارلادى Qandastar.kz.
سەبەبى, قازىر بارلىق بانك تسيفرلىق جۇيەگە كوشكەن. ەگەر ونلاين-نەسيەنىڭ كوزى جويىلسا, ازاماتتارعا جايسىزدىق, ال مامانداردىڭ ەڭبەگى زايا كەتەدى. بۇگىندە وسى ينتەرنەت-الاياقتارىمەن كۇرەستى كۇشەيتۋ جۇمىستارى ءجۇرىپ جاتقانىن جەتكىزدى.
ۇلتتىق بانك تە وسىنداي پىكىردە. ۆيتالي تۋتۋشكين ونلاين نەسيەگە تولىق تىيىم سالىنعان جاعدايدا كەرى شەگىنىس جاساعانداي بولاتىنىن جەتكىزدى.
«ءبىز بانكتىك قىزمەتتەردى ەلەكتروندى تۇردە كورسەتۋگە باقىلاۋدى كۇشەيتۋ قاجەت دەگەن پىكىرمەن كەلىسەمىز. وسى جىلدىڭ شىلدە ايىنىڭ سوڭىندا الاياقتىققا قارسى ورتالىق اشىلدى. ىسكە قوسىلعاننان بەرى شامامەن 600 ملن تەڭگە بولاتىن 5,5 مىڭ وقيعا وڭدەلگەن. 17 ملن تەڭگەنىڭ اقشاسىن ءوز ەركىمىزبەن قايتارىپ الدىق», – دەدى ۇلتتىق بانك توراعاسىنىڭ ورىنباسارى.
