ءبىلىم
ەلىمىزدە PISA-2025 حالىقارالىق زەرتتەۋى باستالدى
فوتو: اشىق دەرەككوز
1 ءساۋىر مەن 23 مامىر ارالىعىندا قازاقستاندا PISA-2025 حالىقارالىق زەرتتەۋى وتەدى. وعان ەلىمىزدىڭ 643 ءبىلىم بەرۋ ۇيىمدارىنان 15 جاستاعى 24 مىڭعا جۋىق وقۋشى قاتىسادى, دەپ جازدى qandastar.kz
PISA (Programme for International Student Assessment) – 15 جاستاعى بالالاردىڭ ومىردەگى ناقتى ماسەلەلەردى شەشۋ ءۇشىن وقۋ, ماتەماتيكا جانە جاراتىلىستانۋ عىلىمدارى بويىنشا بىلىمدەرى مەن داعدىلارىن قولدانۋ قابىلەتتەرىن انىقتاۋ ماقساتىندا وتكىزىلەتىن ءبىلىمالۋشىلاردىڭ ءبىلىم جەتىستىكتەرىن باعالاۋ جونىندەگى حالىقارالىق باعدارلاما. ونى ءتورت جىلدا 1 رەت ەكونوميكالىق ىنتىماقتاستىق جانە دامۋ ۇيىمى (ەىدۇ) وتكىزەدى.
زەرتتەۋ كومپيۋتەرلىك تەستىلەۋ تۇرىندە جۇرگىزىلەدى. PISA-2025-ءتىڭ نەگىزگى باعىتى — عىلىمي ساۋاتتىلىق, سونىمەن قاتار يننوۆاتسيالىق باعىت. 2025 جىلى مۇنداي باعىت «تسيفرلىق الەمدە وقىتۋ» (Learningin the digital World) بولادى.
ەسكە سالا كەتەيىك, PISA-2022 ناتيجەلەرى بويىنشا قازاقستان ماتەماتيكا جانە جاراتىلىستانۋ پاندەرى بويىنشا توپ-50 ەلدىڭ قاتارىنا ەندى. سونداي-اق, قازاقستاننىڭ قالالىق جانە سەلولىق جەردەگى وقۋشىلارى اراسىنداعى ءبىلىم ساپاسى الشاقتىقتىعىنىڭ تومەندەۋى بايقالدى.
