Elimizde Sybaılas jemqorlyqqa qarsy jarııa portal quryldy

Foto: ashyq derekkóz

Sybaılas jemqorlyqqa qarsy is-qımyl agenttigi «Ulttyq aqparattyq tehnologııalar» AQ-men birlesip, sybaılas jemqorlyqqa qarsy jarııa portaldy iske qosty, dep habarlaıdy qandastar.kz

Ol sybaılas jemqorlyqqa qarsy is-qımyl týraly aqparatty bir resýrsta júıeleýge arnalǵan.

Sybaılas jemqorlyqqa qarsy is-sharalarmen kez kelgen adam tanysa alady.

Sondaı-aq portaldy paıdalanýshylar ózderin qyzyqtyratyn, onlaın testileý jáne sertıfıkat alý múmkindigi bar oqý kýrstaryn taba alady.

Áleýmettanýlyq zertteýlerge erekshe kóńil bólinedi. Suraqnamadan ótý múmkindigi kózdelgen.

Onyń nátıjeleri sybaılas jemqorlyqqa qarsy sharalardy túzetý jáne olardyń tıimdiligin baǵalaý úshin paıdalanylatyn bolady.

Sondaı-aq munda Transparency International halyqaralyq uıymynyń jyl saıynǵy zertteý nátıjeleri jáne sybaılas jemqorlyqty júısiný ındeksindegi Qazaqstannyń pozıııasy qoljetimdi.

Profılaktıkalyq jumysty kúsheıtý maqsatynda, bul resýrsta «Sybaılas jemqorlyq kartogrammasy» qamtylǵan, onda sybaılas jemqorlyq táýekelderine shaldyqqan laýazymdar tizimi jáne memlekettik organdar men óńirler boıynsha sybaılas jemqorlyq táýekelderiniń kartasy qamtylǵan.

Jumys jasap júrgen volonterler men uıymdar týraly aqparat beretin volonterlik qyzmetke arnalǵan bólim – Portaldyń mańyzdy elementi.

Nıet bildirýshiler erikti retinde kandıdatýrany qaraý úshin saýalnama joldaı alady.

Osymen qatar, Portalda sybaılas jemqorlyqqa qarsy mádenıetti qalyptastyrýǵa, laıyqty minez-qulyqty tárbıeleýge jáne qoǵamda «Zań men tártip» ıdeologııasyn qalyptastyrýǵa baǵyttalǵan beınerolıkter ornalastyrylǵan.

Bul resýrsta sondaı-aq sybaılas jemqorlyq týraly habarlaýǵa da múmkindik bar.