ەلىمىزدە تاعى ءبىر قارجى پيراميداسى قۇرىقتالدى

فوتو: اشىق دەرەككوز

قارجىلىق مونيتورينگ اگەنتتىگى 8-10 اقپان ارالىعىندا ەلىمىزدىڭ بارلىق وڭىرىندە كەڭ اۋقىمدى وپەراتسيا جۇرگىزدى,  دەپ حابارلايدى qandastar.kz

تەكسەرىس ناتيجەسىندە تۇتىنۋ كووپەراتيۆىنىڭ اتىن جامىلعان Asar Baspana قارجى پيراميداسىنىڭ زاڭسىز قىزمەتى توقتاتىلعان.

قارجى پيراميداسىن ۇيىمداستىرۋشىلار سالىمشىلارعا جىلجىمايتىن م ۇلىك, كولىك قۇرالدارىن, سونداي-اق, تۇرمىستىق ونىمدەردى (بيولوگيالىق بەلسەندى قوسپالار, اس ءۇي ىدىستارى, كوسمەتيكا, تۇرمىستىق حيميا جانە باسقا دا تاۋارلار) ساتىپ الۋ ءۇشىن قاراجات سالۋدى ۇسىنعان, ال قارىمىنا اي سايىن سالىنعان سومانىڭ 30 پايىزىنا دەيىن پايدا تابۋعا ۋادە بەرگەن.

قما مالىمەتىنشە, كومپانيالاردىڭ كەڭسەلەرىندە جانە كۇدىكتىلەردىڭ تۇرعىلىقتى جەرى بويىنشا جۇرگىزىلگەن ءتىنتۋ بارىسىندا 1,2 ملرد تەڭگەدەن اسا سومادا قولما-قول اقشا جانە ىشىندە پرەميۋم كلاستى كولىكتەر بار 13 كولىك تاركىلەنگەن.

«قارجى پيراميداسىنىڭ ەكى ۇيىمداستىرۋشىسى ۇستالىپ, ولارعا سوت ەكى اي مەرزىمگە قاماۋعا الۋ تۇرىندەگى ءىس-شارا سانكتسيالادى. سوتالدى تەرگەۋ جالعاسىپ جاتىر», — دەپ جازىلعان حابارلامادا.