ەلىمىزدە TikTok, Instagram جانە Facebook جەلىلەرىندە اقاۋ بولدى

فوتو: istockphoto

بۇگىن قازاقستاندىق پايدالانۋشىلار Facebook, Instagram جانە TikTok سياقتى بىرقاتار تانىمال الەۋمەتتىك جەلىلەردىڭ جۇمىسىندا اقاۋ تىركەلدى, دەپ جازدى Kazinform اگەنتتىگىنىڭ مەنشىكتى ءتىلشىسى.

كۇنى بويى اتالعان سەرۆيستەردىڭ جۇمىسىندا ۇزىلىستەر بايقالدى — بەتتەر مۇلدە جۇكتەلمەيدى نەمەسە VPN قولدانباسا, وتە باياۋ جۇمىس ىستەدى.

DownDetector مونيتورينگ قىزمەتىنىڭ مالىمەتىنشە, قازىرگى تاڭدا بۇل اقاۋلار كوبىنە قازاقستان اۋماعىندا تىركەلىپ وتىر.

Facebook بويىنشا:

– قازاقستان – 30%,

– پورتۋگاليا – 30%,

– ارمەنيا – 30%.

TikTok بويىنشا:

– قازاقستان – 40%,

– ساحالين وبلىسى – 14%,

– كيروۆ وبلىسى – 11%.

Instagram بويىنشا:

– قازاقستان – 47%,

– پولشا – 7%,

– سانكت-پەتەربۋرگ – 5%.

Beeline كومپانياسى ءموبيلدى ترافيك كولەمىنىڭ ازايعانىن راستادى. الايدا وپەراتورلار وزدەرىنىڭ تەحنيكالىق جابدىقتارى شتاتتىق رەجيمدە جۇمىس ىستەپ تۇرعانىن اتاپ ءوتتى. قازىرگى ۋاقىتتا اقاۋدىڭ سەبەپتەرىن انىقتاۋ بويىنشا سەرىكتەستەرمەن جانە مەملەكەتتىك تەحنيكالىق قىزمەتپەن بىرلەسىپ جۇمىس جۇرگىزىلىپ جاتىر.

ال «قازاقتەلەكوم» ءوز تاراپىنان جەلىلەر جۇمىسىندا ەشقانداي اقاۋلار تىركەلمەگەنىن حابارلادى.

بايلانىس وپەراتورلارى جاعدايدى باقىلاۋدا ۇستاپ وتىرعانىن مالىمدەدى.

ايتا كەتەيىك, 24 مامىر كۇنى اقش-تا 25,8 مىڭ پايدالانۋشى X (بۇرىنعى Twitter) جەلىسىنىڭ جۇمىسىندا اقاۋلار تۋرالى شاعىمدانعان بولاتىن. مۇنداي قيىندىقتار ۇلىبريتانيادا, فرانتسيادا, جاپونيادا جانە باسقا ەلدەردە دە تىركەلگەن.