ەلىمىزدە توزعان اۆتوموبيلدەر كوبەيۋى مۇمكىن – مينيستر

فوتو: elements.envato.com

رەسەي فەدەراتسياسىندا ۋتيلالىمنىڭ قىمباتتاۋىنان قازاقستاندا توزعان اۆتوموبيلدەر كوبەيۋى مۇمكىن. بۇل تۋرالى ونەركاسىپ جانە قۇرىلىس ءمينيسترى قانات شارلاپاەۆ ايتتى, – دەپ حابارلايدى Massaget.kz تىلشىسى.

شارلاپاەۆتىڭ سوزىنشە, رەسەي ۋتيلالىم قۇنىن كوتەرۋگە كىرىسكەن.

«قىرعىز رەسپۋبليكاسى Chevrolet Cobalt جانە Onix كولىكتەرىن وندىرەتىن جەلىنى ىسكە قوستى. ەندى ولار دا ۋتيلالىم ەنگىزبەك. قازاقستان ۋتيلالىم مەن العاشقى تىركەۋ مولشەرى بويىنشا كورشى ەلدەردەن قالىپ قويدى. مۇنى دا ءتۇسىنۋ كەرەك», – دەدى مينيستر ۇكىمەت وتىرىسىنىڭ سوڭ.

قانات شارلاپاەۆ رەسەيدە ۋتيلالىمنىڭ قىمباتتاۋى وتاندىق كولىكتەردىڭ باعاسىنا اسەر ەتپەيدى, الايدا توزعان اۆتوموبيلدەردىڭ سانى ارتۋى مۇمكىن دەگەن ۇستانىمدا.

«باعانىڭ ايىرماشىلىعىنان ەلىمىزدە تاعى ەسكى كولىكتەر كوبەيۋى مۇمكىن. بۇل ەكولوگياعا, جولداعى قاۋىپسىزدىككە اسەر ەتەدى. وسىنداي تاۋەلەكەل بار. رەسەيدەن ەلىمىزگە توزعان كولىكتەر (اۆتوحلام) اعىلسا, قازاقستاندىقتارعا جولدا ءجۇرۋ قاۋىپتى بولا تۇسەدى», – دەدى ول.