Elimizde turmystyq zorlyq-zombylyq úsh ese ósken

Foto: stan.kz

Bıylǵy jyldyń segiz aıynda turmystyq zorlyq-zombylyq deńgeıi úsh ese ósken, – dep habarlaıdy qandastar.kz

Statıstıka boıynsha elimizde 1,6 myń qylmystyq quqyq buzýshylyq oryn alsa, onyń 628-i uryp-soǵý faktileri. Joǵary kórsetkish otbasylyq zorlyq-zombylyqqa qatysty jazany kúsheıtýmen baılanysty bolýy múmkin.

Eske salaıyq, bıyl «Qazaqstan Respýblıkasynyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» Zańǵa qol qoıyldy. Onyń basty maqsaty –  zorlyq-zombylyqtyń kez kelgen áreketi úshin jaýapkershilikti kúsheıtý, otbasy ınstıtýtyn nyǵaıtý jáne kámeletke tolmaǵandardyń qaýipsizdigin qamtamasyz etý.

Atap aıtqanda, qazir densaýlyqqa qasaqana ortasha jáne aýyr zııan keltirgeni úshin tek 8 jylǵa deıin bas bostandyǵynan aıyrý qarastyrylǵan. Al buryn aıyptalýshynyń bostandyǵy tipten shektelmeýi múmkin edi.

Densaýlyqqa jeńil zııan keltirý týraly bap ta qatańdatyldy. Qylmyskerge 200 AEK-ke deıin aıyppul salý nemese 50 táýlikke deıin qamaýǵa alý kózdeledi. Sonymen qatar qazir bul qylmys úshin ákimshilik emes, qylmystyq jaýapkershilik qarastyrylǵan. Osy qylmys aýyrlatatyn mán-jaılar bolǵan kezde 1000 AEK-ke deıin aıyppul salýdy ne 2 jylǵa deıin bas bostandyǵynan aıyrýdy nemese shekteýdi kózdeıdi.