ەلىمىزدە ۇلتتىق قۇزىرەتتەر ورتالىعى قۇرىلادى

فوتو: gov.kz

وقۋ-اعارتۋ ءمينيسترى عاني بەيسەمباەۆ ۇكىمەت وتىرىسىندا استانادا 2025 جىلى ۇلتتىق قۇزىرەتتەر ورتالىعى قۇرىلاتىنىن حابارلادى, دەپ جازدى qandastar.kz

ول ورتالىق كاسىبي قۇزىرەتتەردى, جاڭا تەحنولوگيالىق شەشىمدەردى جانە زاماناۋي كاسىبي داعدىلاردى دامىتۋعا جانە وندىرىسكە ەنگىزۋگە ىقپال ەتەتىنىن اتاپ ءوتتى. وسىنداي ورتالىقتار الەمنىڭ الدىڭعى قاتارلى يندۋستريالدىق مەملەكەتتەرىندە بار.

«ۇلتتىق قۇزىرەتتەر ورتالىعى بازاسىندا جىل بويى حالىقارالىق چەمپيوناتتارعا ارنالعان وقۋ-جاتتىعۋ لاگەرلەرى, رەسپۋبليكالىق چەمپيونات, پەداگوگتەرگە ارنالعان سالالىق كۋرستار وتكىزىلەتىن بولادى», — دەپ تولىقتىردى عاني بەيسەمباەۆ.