Elimizde «Uly dala tarıhynyń jazba muralary» kórmesi ótti

Qoljazbalar jáne sırek kitaptar ulttyq ortalyǵy 2024 jylǵy arheografııalyq ekspedıııalar nátıjeleri boıynsha esep berip, elimizdiń tarıhyna qatysty kóne derekter kórsetilgen «Uly dala tarıhynyń jazba muralary» atty kórmesin uıymdastyrdy

QR Mádenıet jáne aqparat mınıstrliginiń baspasóz qyzmeti málimetinshe, Memleket basshysy Qasym-Jomart Toqaev Ulttyq quryltaıdyń úshinshi otyrysynda elimizdiń tarıhyn zertteý men nasıhattaýǵa, til máselesine, onomastıka, tarıhı muralar men tarıhı tulǵalarǵa, tabıǵı jáne tarıhı mekenderge, erekshe nazar aýdardy. Sonymen qatar Prezıdent tarıhı-mádenı jádigerlerdi, olardyń kóshirmelerin Qazaqstanǵa qaıtarý jumystaryn jandandyrý da asa mańyzdy ekenin atap ótti.

Kórmede Ulybrıtanııadan ákelingen 15 qoljazba men arhıvtik qujattyń kóshirmeleri jáne respýblıka aýmaǵynda anyqtalǵan 150-den asa kóne qoljazba men sırek qundy kitaptar kórmege qoıyldy. Olardyń ishinde túrki-ıslam mádenıetiniń qundy eskertkishi, alǵash túrki tiline aýdarylǵan qasıetti Quran kitaby (X-XII ǵǵ.), Ábý Nasyr ál-Farabı, Qoja Ahmet Iassaýı, Súleımen Baqyrǵanı eńbekteriniń kóshirmeleri, XI ǵasyrdaǵy parsy tarıhshysy Gardızıdiń «Zeın-ál-ahbar» qoljazbasy, t.b. bar.