Elimizde zeınet jasy tómendeı me? Mınıstr jaýap berdi

Eńbek jáne halyqty áleýmettik qorǵaý mınıstri Svetlana Jaqypova zeınet jasynyń tómendeýin talap etken petıııaǵa qatysty pikir bildirdi, – dep jazady Aikyn.kz.

Ol petıııa qajetti daýysty jınasa, halyqtyń pikirin tyńdap, máseleni qaraıtyn jumys tobynyń qurylatynyn aıtty.

«Strategııalyq esepterdi júrgizip qoıdyq. Sondyqtan qazirgi ýaqytta sheshim qabyldansa, petıııa kerek daýysty jınasa, halyqtyń aldyna shyǵyp, pikirlesip, jumys tobyn quryp sheshim qabyldanady. Qazir biz basqa sharalardy qarap otyrmyz. Negizi zeınet jasyna tıispeı-aq, zeınetke erte shyǵý quqyǵy, zeınetke tıisti jasynan kesh shyǵý quqyǵy degen is-sharalardy qarastyryp otyrmyz», – dep jaýap berdi mınıstr Májilis kýlýarynda.

Aıta keteıik, qazir epetition portalynda áıelderdiń zeınet jasyn 55 jasqa deıin, al erlerdikin 58 jasqa deıin tómendetýdi talap etken petıııaǵa qazaqstandyqtar qol qoıyp jatyr.