Elimizde jańa áýejaı salynbaq

Foto: ashyq derekkóz

«SKYHANSA» Qazaqstan-Germanııa konsorıým  jańa júk-jolaýshylar áýejaıyn salýǵa nıetti, dep habarlaıdy  qandastar.kz.

Germanııanyń federaldy kanleri Olaf Sholtyń Qazaqstanǵa resmı sapary aıasynda Kólik mınıstrligi men «SKYHANSA» kompanııasy arasynda «Qorǵas – Shyǵys qaqpasy» arnaıy ekonomıkalyq aımaǵynda júk-jolaýshylar áýejaıyn salý jobasyn iske asyrý týraly negizdemelik kelisim jasaldy.

Qujatqa Kólik Vıe mınıstri Talǵat Lastaev jáne “SKYHANSA” Basqarýshy seriktesi Iýrgen Grebah qol qoıdy.

«Joba qýaty 500 adam/saǵ deıin jolaýshylar termınaly bar áýejaı ınfraqurylymyn, syıymdylyǵy jylyna 550 000 tonnaǵa deıingi otyn qoımasyn, jylyna 250 000 tonnaǵa deıin júkterdi tolyq óńdeıtin júk termınalyn salýdyń, áýe kemelerine qyzmet kórsetý úshin avıaııalyq-tehnıkalyq ortalyq qurýdyń, sondaı-aq basqa da týrıstik jáne saýda-oıyn-saýyq qyzmetterin damytýdyń úsh kezeńdik baǵdarlamasyn kózdeıdi, –  delingen QR Kólik mınıstrligi bergen habarlamada.

Jobaǵa jeke ınvestıııalardyń jalpy somasy 300-den astam turaqty jumys ornyn qura otyryp, 500 mln AQSh dollarynan bastalady dep boljanýda.

Búgingi tańda Jetisý oblysynyń ákimdigi áýejaı salý úshin jer telimin bóldi, ınvestor ınvestıııalar týraly kelisim jasalǵannan keıin jobany iske asyrýǵa kirisýdi josparlap otyr.