ەلىمىزدە جاڭا ءبىلىم بەرۋ باعدارلامالارى پايدا بولدى

فوتو:caravan.kz

عىلىم جانە جوعارى ءبىلىم مينيسترلىگى 2024-2025 وقۋ جىلىنا PhD دوكتورلارىن دايارلاۋعا مەملەكەتتىك تاپسىرىستى تاعى 1000 ورىنعا ۇلعايتۋ ماسەلەسىن قاراستىرىپ جاتىر, دەپ حابارلايدى Egemen.kz.

«عىلىمي كادرلاردى (PhD دوكتورلارىن) دايارلاۋعا مەملەكەتتىك تاپسىرىستى ۇلعايتۋ 2024 جىلدان باستاپ جوسپارلانىپ وتىر. 2023 جىلى عىلىمي كادرلاردى (PhD دوكتورلارىن) دايارلاۋعا مەملەكەتتىك تاپسىرىس 1890 بىرلىكتى قۇرايدى. 2024-2025 وقۋ جىلىنا عىلىمي كادرلاردى (PhD دوكتورلارىن) دايارلاۋعا مەملەكەتتىك تاپسىرىس 1919 ورىن بولماق», دەپ مالىمدەدى ۆەدومستۆو وكىلدەرى.

مينيسترلىك عىلىمي كادرلاردى (PhD) دايارلاۋعا مەملەكەتتىك تاپسىرىستى تاعى 1000 ورىنعا ۇلعايتۋ ماسەلەسىن پىسىقتاپ جاتقانىن اتاپ ءوتتى.

«سونىمەن قاتار 2024-2025 وقۋ جىلىنا «اۆتوموبيل جاساۋ», «كاسىپتىك-پەداگوگيكالىق دايارلىق», «سپورت» جانە «كريپتولوگيا» سياقتى پاندەر بويىنشا جاڭا ءبىلىم بەرۋ باعدارلامالارىنىڭ توپتارى اشىلدى, سونداي-اق وسى باعىتتار بويىنشا مەملەكەتتىك تاپسىرىس ورنالاستىرىلدى», دەپ ناقتىلادى مينيسترلىك.