Elimizde jańa kásibı merekeler paıda bolady

Foto: ashyq derekkóz

Eńbek jáne halyqty áleýmettik qorǵaý mınıstriniń 2025 jylǵy 20 qańtardaǵy buıryǵymen kásibı merekeler tizbesine ózgerister engizildi, – dep habarlaıdy qandastar.kz

Tizimge mynadaı jańa kásibı merekeler qosyldy:

• Qarjy monıtorıngi organdary kúni – 28 qańtar.
• Teńiz jáne ózen kóligi qyzmetkerleri kúni – shildeniń birinshi jeksenbisi.
• Baqylaý-ólsheý quraldary jáne avtomatıka salasy qyzmetkerleriniń kúni – qyrkúıektiń ekinshi jeksenbisi.
• 2 qazan – Qazaqstan Respýblıkasynyń tehnıkalyq jáne kásiptik, orta bilimnen keıingi bilim berý qyzmetkerleri kúni.
• Avtokólik qyzmetkerleri kúni – qazan aıynyń sońǵy jeksenbisi.
• Jol salasy qyzmetkerleriniń kúni – qazan aıynyń sońǵy jeksenbisi.
• Býhgalterlik esep jáne aýdıt qyzmetkerleriniń kúni – 10 qarasha.
• Qylmystyq atqarý júıesi qyzmetkerleriniń kúni 13 jeltoqsan.

Sonymen qatar tamyz aıynyń birinshi jeksenbisinde atap ótiletin Kólik qyzmetkerleri kúni merekesi Temirjol kóligi qyzmetkerleri kúni bolyp ózgertildi.

Tizimnen shyǵarylǵan merekeler:

• Ulttyq baspasóz kúni – 2 aqpan;
• Radıo kúni – 1 qazan.

Buıryq 2025 jyldyń 3 aqpanynan bastap kúshine enedi.