ەلىمىزدە جاڭا ماماندىقتار پايدا بولادى

فوتو:istockphoto

پرەمەر-ءمينيستردىڭ ورىنباسارى ەرمەك كوشەرباەۆ ەلدە ەرەكشە قاجەتتىلىكتەرى بار بالالارمەن جۇمىس ىستەيتىن مامانداردى دايارلاۋ جۇرگىزىلىپ جاتقانىن حابارلادى, — دەپ حابارلايدى qandastar.kz  Tengrinews.kz-كە سىلتەمە جاساپ.

ونىڭ ايتۋىنشا, بۇگىندە دەفەكتولوگ, لوگوپەد, نەيروپسيحولوگ, الەۋمەتتىك پەداگوگ جانە باسقا دا ماماندارعا سۇرانىس جوعارى. ارنايى ءبىلىم بەرۋ سالاسىنداعى مامانداردى ەلىمىزدەگى 17 جوعارى وقۋ ورنى دايىندايدى.

«2024–2025 وقۋ جىلىنا مەملەكەتتىك تاپسىرىس بويىنشا: باكالاۆرياتقا – 656 گرانت, ماگيستراتۋراعا – 150, دوكتورانتۋراعا – 13 گرانت ءبولىندى», – دەلىنگەن كوشەرباەۆتىڭ دەپۋتاتتىق ساۋالعا جاۋابىندا.

ءبىلىم بەرۋ باعدارلامالارىنىڭ تىزىلىمىنە 62 باعدارلاما ەنگىزىلگەن:

«ارنايى پەداگوگيكا»,

«ارنايى پەداگوگيكا: اۋتيزم سپەكترى بۇزىلعان بالالاردى سۇيەمەلدەۋ (IP)»,

«ارنايى پەداگوگيكا: تيفلوپەداگوگيكا»,

«ارنايى پەداگوگيكا: ينكليۋزيۆتى ءبىلىم بەرۋ»,

«ەرتە قولداۋ پەداگوگيكاسى (IP)»,

«ەرگوپەداگوگيكا (IP)» جانە ت.ب.

سونداي-اق, ارنايى ءبىلىم بەرۋدىڭ كاسىبي ستاندارتىنا جاڭا ماماندىقتار قوسىلعانى حابارلاندى:

ەرتە قولداۋ كورسەتۋ پەداگوگى,

ەرگوپەداگوگ,

قارىم-قاتىناس جانە
الەۋمەتتىك ءوزارا ءىس-ارەكەت بۇزىلىستارى نەمەسە قيىندىقتارى بار بالالارمەن
جۇمىس جونىندەگى پەداگوگ,

پسيحيكالىق دامۋى تەجەلگەن جانە وقۋدا قيىندىقتارى بار بالالارمەن جۇمىس جونىندەگى پەداگوگ.