جاڭالىقتار
ەلىمىزدە جاسوسپىرىمدەر اراسىندا ەسىرتكى تاسىمالى كوبەيگەن
فوتو: inbusiness.kz
ەلىمىزدە ەرەسەكتى قويىپ, جاسوسپىرىمدەر اراسىندا ەسىرتكى تاسىمالداۋ دەرەگى ورشىگەن. تەك جىل باسىنان بەرى وسىنداي 30 بالا ۇستالعان. ماسەلەن, وتكەن اپتادا عانا ءتارتىپ ساقشىلارىنىڭ قولىنا قالتاسىن مەفەدرونعا تولتىرىپ العان مەكتەپتى ەندى بىتىرگەن ەكى بوزبالا تۇسكەن.
ktk.kz سايتىنىڭ ماتەريالدارىن پايدالانۋ ماتەريالدى ءماتىننىڭ ءبىرىنشى نەمەسە ەكىنشى سويلەمىندە نەگىزگى ءماتىن رەتىندە ءبىر شريفتپەن ورنالاستىرىلۋى ءتيىس ماتەريالعا تىكەلەي گيپەرسىلتەمە بولعان كەزدە رۇقسات ەتىلەدى.
كوكشەتاۋدىڭ 14 جاستاعى تۇرعىنى 200 گراممنان اساتىن مەفەدروندى ءار جەرگە جاسىرىپ تاراتپاق بولعاندا ۇستالدى. ءجاسوسپىرىم تەرگەۋشىلەرگە وسىنداي جولمەن «موپەد ساتىپ الۋعا اقشا جيناماق بولدىم» دەپتى. قازىر وعان قاتىستى سوتقا دەيىنگى تەرگەۋ جۇرگىزىلۋدە. ءتيىستى ساراپتاما قورىتىندىسىنان كەيىن ءجاسوسپىرىمنىڭ اتا-انالارى دا جاۋاپقا تارتىلۋى مۇمكىن. سوڭعى كەزدە جيىلەپ كەتكەن جاعدايلارعا بايلانىستى ىشكى ىستەر مينيسترلىگى اتا-انالاردى بالالارىنىڭ ۋاقىت وتكىزۋىنە باقىلاۋدى كۇشەيتۋدى سۇراپ وتىر.
باقىتجان ءامىرحانوۆ, ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى:
— ءجاسوسپىرىمنىڭ جەكە زاتتارىندا يزولەنتا, كىشكەنتاي قاپشىقتار, ەلەكتروندىق تارازى, ءدارى سالىنعان بليستەرلەر نەمەسە كوز تامشى شولمەكتەرى — قاۋىپ-قاتەر بەلگىسى. تەلەفونىندا كىرەبەرىس, ايالداما, ءۇي قابىرعاسىنا جاپسىراتىن سۋرەتتەرى بولسا, ەڭ باستىسى, اتا-اناسى ساتىپ اپەرمەگەن جاڭا, قىمبات زات كۇدىك تۋعىزۋى كەرەك.
