Elimizde jasóspirimder arasynda esirtki tasymaly kóbeıgen

Foto: inbusiness.kz

Elimizde eresekti qoıyp, jasóspirimder arasynda esirtki tasymaldaý deregi órshigen. Tek jyl basynan beri osyndaı 30 bala ustalǵan. Máselen, ótken aptada ǵana tártip saqshylarynyń qolyna qaltasyn mefedronǵa toltyryp alǵan mektepti endi bitirgen eki bozbala túsken.

ktk.kz saıtynyń materıaldaryn paıdalaný Materıaldy mátinniń birinshi nemese ekinshi sóıleminde negizgi mátin retinde bir shrıftpen ornalastyrylýy tıis materıalǵa tikeleı gıpersilteme bolǵan kezde ruqsat etiledi.

Kókshetaýdyń 14 jastaǵy turǵyny 200 grammnan asatyn mefedrondy ár jerge jasyryp taratpaq bolǵanda ustaldy. Jasóspirim tergeýshilerge osyndaı jolmen «moped satyp alýǵa aqsha jınamaq boldym» depti. Qazir oǵan qatysty sotqa deıingi tergeý júrgizilýde. Tıisti saraptama qorytyndysynan keıin jasóspirimniń ata-analary da jaýapqa tartylýy múmkin. Sońǵy kezde jıilep ketken jaǵdaılarǵa baılanysty Ishki ister mınıstrligi ata-analardy balalarynyń ýaqyt ótkizýine baqylaýdy kúsheıtýdi surap otyr.

Baqytjan Ámirhanov, IIM Esirtki qylmysyna qarsy is-qımyl departamenti bastyǵynyń orynbasary:

— Jasóspirimniń jeke zattarynda ızolenta, kishkentaı qapshyqtar, elektrondyq tarazy, dári salynǵan blısterler nemese kóz tamshy shólmekteri — qaýip-qater belgisi. Telefonynda kireberis, aıaldama, úı qabyrǵasyna japsyratyn sýretteri bolsa, eń bastysy, ata-anasy satyp ápermegen jańa, qymbat zat kúdik týǵyzýy kerek.