ەلىمىزدە جەكە كۋالىك جاساتۋدا جاڭا وزگەرىس بار

فوتو: اشىق دەرەككوز

«ازاماتتارعا ارنالعان ۇكىمەت» مەملەكەتتىك كورپوراتسياسىنان حابارلانعانداي, 2025 جىلدان باستاپ ەلدە ايلىق ەسەپتىك كورسەتكىش 3 932 تەڭگەگە ءوستى, دەپ حابارلادى qandastar.kz

وسىعان بايلانىستى مەملەكەتتىك قۇجاتتاردى دايىنداۋ قۇنى دا وزگەردى.

تولقۇجات جاساتۋ قۇنى:

• 24 پاراق – 4 اەك, ياعني 15 728 تەڭگە (16 جاسقا دەيىنگى بالالار ءۇشىن);
• قولدانىستاعى 36 پاراق تولقۇجات قۇنى 8 اەك ياعني, 31 456 تەڭگەگە وسەدى.
• 48 پاراق – 12 اەك, ياعني 47 184 تەڭگە (ەرەسەكتەرگە) بولادى.

تولقۇجات ءوتىنىم بەرگەن كۇننەن باستاپ 15 جۇمىس كۇنى ىشىندە دايىندالادى. بىراق ەل ازاماتتارى قوسىمشا اقى تولەپ, تولقۇجاتتى تەزىرەك الا الادى.

جەكە كۋالىك جاساتۋ قۇنى:

تۇرعىندار جەكە كۋالىك جاساتۋ ءۇشىن 0,2 اەك نەمەسە 786,4 تەڭگە تولەۋى كەرەك. بىراق جەكە كۋالىگىن جوعالتىپ, ءبىر جىل ىشىندە ەكى رەتتەن ارتىق جاساتسا, 1 اەك نەمەسە 3 932 تەڭگە تولەۋگە ءماجبۇر بولادى.

جەدەلدەتىپ ازىرلەۋ:

استانا, الماتى, شىمكەنت جانە اقتوبە قالالارى ءۇشىن: 1 جۇمىس كۇنىندە ازىرلەپ بەرۋ – 3 372 تەڭگە, 3 جۇمىس كۇنىندە دايىنداپ بەرۋ ءۇشىن – 1 771 تەڭگە.

وبلىس ورتالىقتارى ءۇشىن: 3 جۇمىس كۇنى – 3 372 تەڭگە. 5 جۇمىس كۇنى – 1 771 تەڭگە.

اۋداندار مەن وبلىس قالالارى ءۇشىن: 7 جۇمىس كۇنى – 605,31 تەڭگە.

ەسكە سالايىق, «2025-2027 جىلدارعا ارنالعان رەسپۋبليكالىق بيۋدجەت» تۋرالى زاڭعا سايكەس, بيىل 1 ايلىق ەسەپتىك كورسەتكىش (اەك) 3932 تەڭگە بولىپ بەكىتىلدى. وتكەن جىلى 1 اەك 3692 تەڭگە بولعان ەدى.