Elimizde jeke kýálik jasatýda jańa ózgeris bar

Foto: ashyq derekkóz

«Azamattarǵa arnalǵan úkimet» memlekettik korporaııasynan habarlanǵandaı, 2025 jyldan bastap elde aılyq eseptik kórsetkish 3 932 teńgege ósti, dep habarlady qandastar.kz

Osyǵan baılanysty memlekettik qujattardy daıyndaý quny da ózgerdi.

Tólqujat jasatý quny:

• 24 paraq – 4 AEK, ıaǵnı 15 728 teńge (16 jasqa deıingi balalar úshin);
• Qoldanystaǵy 36 paraq tólqujat quny 8 AEK ıaǵnı, 31 456 teńgege ósedi.
• 48 paraq – 12 AEK, ıaǵnı 47 184 teńge (eresekterge) bolady.

Tólqujat ótinim bergen kúnnen bastap 15 jumys kúni ishinde daıyndalady. Biraq el azamattary qosymsha aqy tólep, tólqujatty tezirek ala alady.

Jeke kýálik jasatý quny:

Turǵyndar jeke kýálik jasatý úshin 0,2 AEK nemese 786,4 teńge tóleýi kerek. Biraq jeke kýáligin joǵaltyp, bir jyl ishinde eki retten artyq jasatsa, 1 AEK nemese 3 932 teńge tóleýge májbúr bolady.

Jedeldetip ázirleý:

Astana, Almaty, Shymkent jáne Aqtóbe qalalary úshin: 1 jumys kúninde ázirlep berý – 3 372 teńge, 3 jumys kúninde daıyndap berý úshin – 1 771 teńge.

Oblys ortalyqtary úshin: 3 jumys kúni – 3 372 teńge. 5 jumys kúni – 1 771 teńge.

Aýdandar men oblys qalalary úshin: 7 jumys kúni – 605,31 teńge.

Eske salaıyq, «2025-2027 jyldarǵa arnalǵan respýblıkalyq bıýdjet» týraly zańǵa sáıkes, bıyl 1 aılyq eseptik kórsetkish (AEK) 3932 teńge bolyp bekitildi. О́tken jyly 1 AEK 3692 teńge bolǵan edi.