Elimizde jemqorlardan tárkilengen qarjyǵa 28 jańa mektep salynady

Foto: mınıstrlik

Oqý-aǵartý mınıstrligi Bilim berý ınfraqurylymyn qoldaý qory esebinen 22 myń oqýshy ornyna arnalǵan taǵy 28 jańa mektep salynatynyn málimdedi, dep habarlaıdy qandastar.kz

Infraqurylymdy damytý departamentiniń basqarma basshysy Jaıyq Mahsýtov memleket balalar úshin qolaıly jaǵdaı jasaýǵa erekshe kóńil bólip kele jatqanyn atap ótti.

«Búginde 74,4 myń oryndyq 61 mektep paıdalanýǵa berildi, sonyń 29-y eldimekenderde ornalasqan», – dedi Jaıyq Mahsýtov.

2024 jyly 25 mektep salyndy, olardyń basym bóligi Astana qalasynda, jáne Mańǵystaý, Almaty, Jambyl oblystarynda ornalasqan. Barlyq bilim berý uıymdary zamanaýı qural-jabdyqtarmen jabdyqtalǵan.

Aıta keteıik, bilim berý ınfraqurylymyn qoldaý qorynyń esebinen 100 myńǵa jýyq oqýshy oryndyq 89 mekteptiń qurylysy qarjylandyryldy.