Elimizde jerleý jáne zırattarǵa kútim jasaý erejeleri ózgerdi

Ulttyq ekonomıka mınıstri Nurlan Baıbazarovtyń úkimine sáıkes, eldi mekenniń qaıtys bolǵan árbir turǵynyn nemese belgili bir turǵylyqty jeri joq, biraq sonda qaıtys bolǵan adamdy jerleý úshin keminde 6 sharshy metr jer telimi tegin bólinýi tıis.

Erejege sáıkes respýblıkalyq mańyzy bar qalanyń, astananyń, aýdannyń ákimdiginiń zırattarǵa qatysty mindetteri belgilendi:

Beıitterge arnalǵan jer ýchaskelerin esepke alý jáne derekterin jınaqtaý;

Jerleý, zırattardy kútip-ustaý jáne olarǵa qyzmet kórsetý týraly sharttardyń saqtalýyn baqylaý;

Jergilikti atqarýshy organnyń saıtynda jáne memlekettik kadastrlyq kartada bos jatqan zırat ýchaskeleri týraly ózekti aqparatty ornalastyrý.

Sondaı-aq qaı kezde máıitti qaıta jerleýge bolatyny aıtyldy:

Zıratty nemese onyń ýchaskesin merziminen buryn joıý kezinde;

Qazaqstan nemese odan tys jerlerde qaıta jerleý úshin jeke qabirlerdiń qaldyqtaryn tasymaldaý kezinde.