جاڭالىقتار
ەلىمىزدە «جۇمىسسىزدىق بويىنشا جاردەماقى» دەگەن ۇعىم نەگە قاراستىرىلماعان?
فوتو: اشىق دەرەككوز
ەڭبەك رەسۋرستارىن دامىتۋ ورتالىعىنىڭ پرەزيدەنتى داۋلەت ارعاندىقوۆ 2024 جىلى 1 قاراشادا جۋرناليستەرمەن بولعان كەزدەسۋدە جۇمىسىنان ايىرىلعان جاعدايدا كىمدەر مەملەكەت كومەگىنە جۇگىنە الاتىنىن ايتتى, دەپ حابارلايدى qandastar.kz Zakon.kz-كە سىلتەمە جاساپ.
داۋلەت ارعاندىقوۆ قازاقستاندا «جۇمىسسىزدىق بويىنشا جاردەماقى» دەگەن ۇعىم جوق ەكەنىن اتاپ ءوتتى.
«جۇمىسىنان ايىرىلۋعا بايلانىستى الەۋمەتتىك تولەمدەر قاراستىرىلعان, ونى مەملەكەتتىك الەۋمەتتىك ساقتاندىرۋ قورى تولەيدى… ءبىز ادىلەتتىلىك تۋراسىن ايتىپ وتىرمىز, ياعني جۇيە تاۋەكەلدەر تۋىنداعان جاعدايدا «قورعانىش جاستىعى» رەتىندە جۇمىس ىستەۋى كەرەك, ول سول ءۇشىن جاسالعان. سوندىقتان, بۇل مەحانيزمدەر بۇگىندەرى وسىلاي جۇمىس ىستەيدى. بۇل – وتە قالىپتى تاجىريبە», – دەپ ءتۇسىندىردى ول.
ونىڭ ايتۋىنشا, مۇنداي كومەكتى تەك جۇمىس ىستەگەن, بىراق جۇمىسىنان ايىرىلعاندار عانا الادى.
