الەۋمەت جانە قوعام
ەلىمىزدە جىنىس اۋىستىرۋعا تىيىم سالۋ ۇسىنىلدى
فوتو:ابزال كاليەۆ
ەلىمىزدە جىنىس اۋىستىرۋعا تىيىم سالۋ ۇسىنىلدى, دەپ جازدى qandastar.kz
ءماجىلىس دەپۋتاتتارى مۇنى زاڭمەن بەكىتۋ باستاماسىن كوتەردى.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسكە سايكەس 21 جاسقا تولعان, پسيحيكالىق مىنەز-قۇلقىندا اقاۋ جوق جاندار جىنىسىن اۋىستىرۋعا قۇقىعى بار. الايدا, «جىنىستىق سايكەستەندىرۋ بۇزىلىسى بار ادام» ۇعىمىنىڭ ءوزى قانداي دا ءبىر بۇزۋشىلىقتىڭ بارىن كوزدەپ وتىر. بۇل ادامداردا فيزيكالىق اۋىتقۋلار بولماعاندىقتان, بۇزىلىس پسيحيكاسىندا نەمەسە مىنەز-قۇلقىندا دەپ بولجاۋعا بولادى. تيىسىنشە, پسيحيكالىق نەمەسە مىنەز-ق ۇلىق اسپەكتىلەرى بۇزىلعان ادامنىڭ ساۋ دەنەسىنە گورمونالدى جانە حيرۋرگيالىق وتا جاساۋدى اقتاۋعا بولمايدى”, — دەدى ماگەررام ماگەرراموۆ ۇكىمەت باسشىسىنا جولداعان دەپۋتاتتىق ساۋالىندا.
وسى ورايدا ماجىلىسمەن بەكتەنوۆتەن كەلەسى ساۋالدارعا جاۋاپ بەرۋىن سۇرادى: 1. ەگەر ءسىز ەر ادامنان ايەلدى, ال ايەلدەن ەر ادامدى حيرۋرگيالىق تۇزەتۋ ارقىلى جىنىسىن اۋىستىرۋعا جول بەرسەڭىز, «دەنى ساۋ ۇلت» ۇلتتىق جوباسىن قالاي جۇزەگە اسىرىپ وتىرسىز? 2. مىنەز-قۇلقىندا, پسيحيكاسىندا بۇزىلۋلار بار جاندار نەلىكتەن حيرۋرگيالىق جولمەن ەمدەلەدى? 3. جىنىستى اۋىستىرۋ بويىنشا قانشا وتا جاسالدى? ولاردىڭ ىشىندە قانشا ادام جىنىسىن كەرى قايتارۋعا نيەت تانىتتى? 4. بۇگىندە قانشا ادام جىنىسىن اۋىستىرۋعا ءوتىنىش بەردى? 5. مۇنداي مانيپۋلياتسيالار نەگىزگى مەديتسينالىق پرينتسيپتەر مەن ۇلت دەنساۋلىعىنا كەرى اسەر ەتپەي مە?
«قكپ فراكتسياسى جىنىسىن اۋىستىرۋعا رۇقسات بەرۋ بولىگىندە زاڭناما وزگەرگەنگە دەيىن وسى مانيپۋلياتسياعا تىيىم سالۋدى تالاپ ەتەدى”, — دەدى دەپۋتات.
