Elimizdegi barlyq ǵımarattyń energııalyq tıimdiligine tekserý júrgiziledi

Al jylýmen qamtý ortalyqtary jiti qadaǵalanady. Deldaldar máselesi sheshiledi. Qazir «Jylý energetıkasy» óz aldyna jeke sala bolyp bekitildi. Tıisti zańdy Májilis depýtattary ekinshi oqylymda qabydady.

Qujat senatorlardyń qaraýyna jiberilip otyr. Almıra Orazbaı, tilshi: – Elimizdi 40 gradýstyq aıaz qyspaqqa alǵan kezde ábden tozǵan jylý qazandyqtarynyń shydas bermeı, jurtshylyqty búrseńdetkeni áli kóptiń esinde. Osyny eskergen mamandar búginge deıin qaraýsyz qalǵan jylý energetıkasyn jeke sala retinde qolǵa alýdyń ýaqyty kelgenin aıtady. Sondyqtan Májilis osyǵan qatysty zańdy maquldap otyr.

Onyń maqsaty – jylý energetıkasyndaǵy memlekettik baqylaýdy kúsheıtý. Dúısenbaı Turǵanov, QR ParlamentI Májilisiniń depýtaty: – Jalpy myna jylytý salasyna túgel sol jerde baptar qarastyrylǵan: qalaı, qaı kezde, qandaı sharttarmen, qandaı mólsherde, jaýapkershilik, sol jerde qarastyrylǵan. Endi ortalyqtar men jelilerdiń qys mezgiline daıyndyǵyn burynǵydaı ákimdikter emes, Energetıka mınıstrligi qadaǵalaıtyn bolady.

Sondaı-aq ár nysan jylytý maýsymyna ázirlik pasportyn ýaqytynda almasa, aıyppul tóleıdi. Buryn 30 aılyq eseptik kórsetkish bolsa, jańa zańǵa sáıkes onyń kólemi 1,5 myń bolmaq. Ilıa Rojkov, QR Energetıka mınıstrligi atomdyq jáne energetıkalyq qadaǵalaý men baqylaý komıteti tóraǵasynyń orynbasary: – Qazir elektr stanııalaryna qatysty saıasatty Energetıka mınıstrligi, al qazandyqtar men jylý jelileri boıynsha saıasatty О́nerkásip jáne qurylys mınıstrligi aıqyndaıdy. Al osy zań tolyqqandy qabyldanǵan soń bul saladaǵy barlyq baqylaý Energetıka mınıstrligine ótedi. Osylaısha, aýdandar men qalalardaǵy jylýmen qamtý máselelerin keshendi sheshýge múmkindik bolady.

Energııamen jabdyqtaýshy uıymdar elektr energııasy naryǵynyń qurylymynan shyǵarylady. Osylaısha, memleket deldaldar men alyp-satýshylardy joıady. Sóıtip, tarıf baǵasy retteledi. Ilıa Rojkov, QR Energetıka mınıstrligi atomdyq jáne energetıkalyq qadaǵalaý men baqylaý komıteti tóraǵasynyń orynbasary: – Bul zań jobasy, normatıvtik quqyqtyq aktiler turǵysynan, ónimsiz deldaldardy joıýdy kózdeıdi. Mundaı qadam, eń aldymen Memleket basshysynyń tapsyrmasy ekenin aıtýymyz kerek. Máselen tarıfterde dıfferenııa bar. Qazir ony retteý jumystary júrip jatyr.

Sonyń aıasynda sáýir aıynan bastap rettelmeıtin energııamen jabdyqtaýshy uıymdardyń lıenzııalary toqtatylyp otyr. Sondaı-aq olardyń júıelik qyzmet kórsetetin «Kegok» kompanııasymen qatynasy aıaqtaldy. Qazir elimizdegi jylý jáne elektr jelileriniń birshama paıyzǵa tozyǵy jetip otyr. Al jylý qondyrlyǵarynyń eskirýi 60%-ke asady. Májilis qabyldaǵan zań da osy máselelerdi júıeli túrde sheshýge baǵyttalady. Qazir qujat senatorlardyń qaraýyna jiberildi.