Jańalyqtar
Elimizdegi kadrǵa suranys 1,6 mln adamdy quraıdy
Bul týraly Eńbek jáne halyqty áleýmettik qorǵaý mınıstrligi Jumyspen qamtý departamentiniń dırektory Azız Ibragımov málim etti.
«Jumysshylar qurylys, aýyl sharýashylyǵy, óńdeý ónerkásibi jáne densaýlyq saqtaý salalarynda eń kóp suranysqa ıe», – dedi ol.
- Qurylys sektorynda eń joǵary suranys kelesi mamandyqtarǵa kútilýde: sylaqshylar – 9 758 adam, qurylys brıgadalarynyń brıgadırleri – 9 477 adam, dánekerleýshiler – 7 229 adam;
- Aýyl sharýashylyǵy salasynda: fermerler – 10 695 adam, traktorshylar – 7 141 adam, mal sharýashylyǵy qyzmetkerleri – 4 940 adam;
- О́ńdeý ónerkásibinde: dánekerleýshiler – 3 342 adam, tiginshiler men kıimderdi qalpyna keltirýshiler – 2 606 adam, ónerkásiptik jabdyqtardy jóndeýshiler – 2 367 adam, santehnıkter men qubyr jóndeýshiler – 2 051 adam;
- Densaýlyq saqtaýda: orta býyn medıına qyzmetkerleri – 24 614 adam, jedel járdem júrgizýshileri – 4 604 adam, feldsherler – 4 536 adam.
«Mansap kompasy» platformasy negizinde 100 myń orta mektep oqýshysyn qamtýmen kásiptik baǵdar berý jumystary júrgiziledi. Qazirgi ýaqytta iske qosylýy aǵymdaǵy jyldyń sáýir aıyna josparlanǵan bul platformada kásibı dıagnostıka fýnkıonaldyǵyn engizý boıynsha jumystar júrgizilýde.
«Jastar tájirıbesi» jobasy aıasynda jas mamandardy oqytý, sondaı-aq tálimgermen jumys ornynda kásibı oqytý úshin keminde 35 myń tálimgerdi tartý josparlanýda.2025 jylǵy 1 naýryzdaǵy jaǵdaı boıynsha jastar tájirıbesine 3,2 myń adam jiberildi. Jergilikti atqarýshy organdardyń málimetinshe, jastar tájirıbesine qatysýshylarǵa 2645 tálimger bekitilgen», – dep qosty Azız Ibragımov.
Búgingi tańda Skills Enbek platformasynda 9827 mektep oqýshylary men tehnıkalyq jáne kásiptik bilim berý uıymdarynyń stýdentteri onlaın oqytýmen qamtyldy.
Jyl boıyna «Elektrondyq eńbek bırjasy» biryńǵaı ıfrlyq platformasyn paıdalana otyryp, keminde 500 myń mektep oqýshylary men tehnıkalyq jáne kásiptik bilim berý jáne oqytý uıymdarynyń stýdentteri jumys izdeý jáne jumysqa ornalasý daǵdylaryna oqytýmen qamtamasyz etiledi. Tehnıkalyq jáne kásiptik bilim berýdiń 1000 úzdik túlegin elimizdiń jetekshi kompanııalaryna jumysqa ornalastyrý josparlanýda.
Sonymen qatar, jumyssyzdardy kásiptik oqytý jumys berýshiniń jumys ornynda alty aıdan aspaıtyn merzimge uıymdastyrylady.
Buǵan deıin QR Eńbek jáne halyqty áleýmettik qorǵaý mınıstri Svetlana Jaqypova jasandy ıntellekt damýy aıasynda qandaı mamandyqtardyń joıylyp ketýi múmkin ekenin aıtqan bolatyn.
