Elimizdegi qyzmet kórsetý baǵasy tym aspandap barady

Foto: mail.kz

Bıylǵy jyldyń maýsym aıynda qyzmet kórsetý baǵasynyń ósimi jyldyq mánde 13,8%-ǵa jetti, dep habarlaıdy Orda.kz  

2024 jyldyń maýsym aıynda qyzmet kórsetý baǵasynyń ósýi jyldyq mánde 13,8%-ǵa jetti. Olar taýar baǵasynan da jyldam óse bastady: jalpy tutynýshylyq ınflıaııa 2024 jyldyń birinshi jartyjyldyǵynda 8,4% boldy.

Eń kóp qymbattaǵan kommýnaldyq qyzmet baǵasy: olar úshin tarıf bir jylda 30%-43%-ǵa ósti.

Maýsym aıynda turǵyn úıdi jalǵa berý 11,1%-ǵa, ambýlatorııalyq qyzmet kórsetý – 12,7%-ǵa, baılanys – 8%-ǵa, bilim berý – 8,3%-ǵa, demalys jáne oıyn-saýyq – 12,4%-ǵa qymbattady.

Ulttyq statıstıka bıýrosynyń iriktemeli zertteýleri nátıjeleri boıynsha qyzmetter qazaqstandyq otbasylardyń barlyq shyǵyndarynyń besten bir bóligin quraıdy. Bul 2020 jyldan bergi eń joǵary toqsandyq kórsetkish.

Bıylǵy jyldyń qańtar-naýryz aılarynda úı sharýashylyǵyndaǵy aqshalaı shyǵyndardyń jartysynan astamy azyq-túlikke (50,5%), taǵy 21%-dan astamy kıim-keshek, aıaq kıim, turmystyq hımııa jáne basqa da azyq-túlik emes taýarlarǵa jumsaldy.

2024 jyldyń birinshi toqsanynda qyzmet kórsetýge jumsalǵan shyǵyndardyń eń joǵary kólemi Astana men Almaty qalalary turǵyndary arasynda tıisinshe 25,3% jáne 24,3% bolyp baıqaldy. Bul tarmaq boıynsha qarjyny az jaratqan Ulytaý (14,2%), Atyraý (14,6%) jáne Jetisý (15,1%) oblystary turǵyndary.

2024 jyldyń birinshi toqsanynda kórsetilgen qyzmet kólemi 2,8 trln. Teńge bolsa, 2023 jyldyń sáıkes kezeńimen salystyrǵanda 26,4%-ǵa ósken.

Jalpy, ótken jyly kásipkerler men uıymdar halyqqa 12,3 trln. teńgege qyzmet kórsetken. Ol 2022 jylmen salystyrǵanda 30%-ǵa qymbat.