جاڭالىقتار
ەلىمىزدەگى مەديتسينالىق اقپاراتتىق جۇيەلەرگە قويىلاتىن تالاپتار جاڭارتىلدى
فوتو: freepik
دەنساۋلىق ساقتاۋ ءمينيسترى 2025 جىلعى 28 اقپانداعى بۇيرىقپەن دەنساۋلىق ساقتاۋ سالاسىنداعى مەديتسينالىق اقپاراتتىق جۇيەلەرگە قويىلاتىن ەڭ تومەنگى تالاپتاردى جاڭا رەداكتسيادا بەكىتتى, دەپ حابارلايدى qandastar.kz
مەديتسينالىق اقپاراتتىق جۇيە (ماج) – دەنساۋلىق ساقتاۋ سۋبەكتىلەرىنىڭ پروتسەستەرىن ەلەكتروندىق فورماتتا جۇرگىزۋدى قامتاماسىز ەتەتىن اقپاراتتىق جۇيە.
تالاپتار دەنساۋلىق ساقتاۋ سۋبەكتىلەرىنىڭ مەنشىك نىسانىنا قاراماستان دەنساۋلىق ساقتاۋ سالاسىنداعى مەديتسينالىق اقپاراتتىق جۇيەلەرگە قولدانىلادى.
قازاقستاندا وسى تالاپتارعا سايكەس كەلەتىن مەديتسينالىق اقپاراتتىق جۇيەلەردى پايدالانۋعا رۇقسات ەتىلەدى. بۇل رەتتە مەديتسينالىق اقپاراتتىق جۇيەنى جەتكىزۋشى قر رەزيدەنتى بولىپ تابىلادى.
Zakon.kz جازعانداي, ماج دەنساۋلىق ساقتاۋ سۋبەكتىسى قىزمەتكەرىنىڭ ەتسق-مەن كۋالاندىرىلعان بارلىق دەرەكتەر مەن ەلەكتروندىق قۇجاتتاردى ۋاكىلەتتى ورگاننىڭ اقپاراتتىق جۇيەلەرىنە ولار دەرەكتەردى قابىلداۋعا دايىن بولعان كەزدە ۋاقتىلى بەرۋدى قامتاماسىز ەتەدى.
بۇدان وزگە, مەديتسينالىق-سانيتاريالىق العاشقى كومەك كورسەتەتىن دەنساۋلىق ساقتاۋ سۋبەكتىسىنىڭ ماج دارىگەرلەردىڭ جانە بەيىندى مامانداردىڭ قابىلداۋ گرافيكتەرىن ولار دەرەكتەردى قابىلداۋعا دايىن بولعان كەزدە ۋاكىلەتتى ورگاننىڭ اقپاراتتىق جۇيەلەرىنە ناقتى ۋاقىت رەجيمىندە بەرۋدى قامتاماسىز ەتەدى.
ماج شۇعىل مەديتسينالىق كومەك كورسەتۋ جاعدايلارىن قوسپاعاندا, پاتسيەنتتىڭ مەديتسينالىق-سانيتاريالىق العاشقى كومەك دارىگەرىنىڭ جانە (نەمەسە) بەيىندى ماماننىڭ قابىلداۋىنا جانە كونسۋلتاتسياسىنا الدىن الا جازىلۋىنىڭ بولۋىن باقىلاۋدى قامتاماسىز ەتەدى.
سونداي-اق, ماج-دا پاتسيەنتتەردىڭ جەكە دەرەكتەرىنە قول جەتكىزۋ دەڭگەيلەرىن رەتتەۋگە بولادى.
تەگىن مەديتسينالىق كومەكتىڭ كەپىلدىك بەرىلگەن كولەمى جانە (نەمەسە) مىندەتتى الەۋمەتتىك مەديتسينالىق ساقتاندىرۋ جۇيەسى (بۇدان ءارى – تمككك جانە (نەمەسە) ءمامس) شەڭبەرىندە مەديتسينالىق كومەك كورسەتۋگە ۇمىتكەر دەنساۋلىق ساقتاۋ سۋبەكتىلەرىنىڭ ماج ۋاكىلەتتى ورگان ۇسىناتىن جەكە باسىن سايكەستەندىرۋدىڭ ينتەگراتسيالىق سەرۆيستەرىن قولدانۋ ارقىلى پاتسيەنتتەردى سايكەستەندىرۋگە ارنالعان قۇرالداردى ۇسىنادى.
دەنساۋلىق ساقتاۋ سۋبەكتىسىنىڭ ەسەپكە الۋ جۇيەسىمەن ينتەگراتسيالاۋ ارقىلى ماج مىناداي فۋنكتسيونالدى قامتاماسىز ەتەدى:
- ناقتى ۋاقىت رەجيمىندە دارىلىك زاتتار مەن مەديتسينالىق بۇيىمداردى, ونىڭ ىشىندە دەنساۋلىق ساقتاۋ سۋبەكتىسىنىڭ قويماسىندا شىعىس پەن ەسەپتەن شىعارۋدىڭ دەربەستەندىرىلگەن ەسەبىن جۇرگىزۋ;
- قويمادا قالدىقتاردىڭ ءتيىستى سانى بولماعان كەزدە دارىلىك زاتتار مەن مەديتسينالىق بۇيىمداردى تاعايىنداۋ مۇمكىندىگىن شەكتەۋدى باپتاۋ;
- دەنساۋلىق ساقتاۋ سۋبەكتىسىنىڭ بولىمشەلەرىندەگى جالپى شىعىندار شەڭبەرىندە دارىلىك زاتتار مەن مەديتسينالىق بۇيىمداردى جالپى ەسەپتەن شىعارۋ;
- گوسپيتالدىق فارماتسيا ءبولىمى قىزمەتىنىڭ پروتسەستەرىن جۇرگىزۋ كەزىندە دارىلىك زاتتار مەن مەديتسينالىق ماقساتتاعى بۇيىمداردىڭ دەربەستەندىرىلگەن ەسەبىن جۇرگىزۋ;
- ماج ارقىلى ۋاكىلەتتى ورگاننىڭ اقپاراتتىق جۇيەلەرىمەن ينتەگراتسيالاۋدى قامتاماسىز ەتە وتىرىپ, دارىلىك زاتتار مەن مەديتسينالىق ماقساتتاعى بۇيىمداردى ەسەپكە الۋ فۋنكتسيونالىن ۇسىنۋعا جول بەرىلەدى.
ماج مىناداي فۋنكتسيونالدى قامتاماسىز ەتەدى:
- ماج پايدالانۋشىلارىنا ولاردىڭ جۇمىس ۋاقىتى بويىنشا قول جەتكىزۋدى شەكتەۋ;
- پايدالانۋشىنىڭ ەسەپتىك جازباسىن قۇرۋ, جويۋ جانە رەداكتسيالاۋ;
- پايدالانۋشىنىڭ ءوزى جاسايتىن جۇمىسىن قۇرۋ, جويۋ جانە رەداكتسيالاۋ;
- ناقتى پايدالانۋشىلارعا ءوزى جاسايتىن جۇمىستى بەكىتۋ ء(بىر پايدالانۋشىنىڭ بىرنەشە ءوزى جاسايتىن جۇمىسىنىڭ بولۋى مۇمكىن);
- دەربەس مەديتسينالىق دەرەكتەردى قۇرۋ, جويۋ جانە وزگەرىستەر ەنگىزۋ بويىنشا پايدالانۋشىلاردىڭ ءىس-ارەكەتتەرىن لوگين بەرۋ جانە بەلگىلى ءبىر ۋاقىت كەزەڭىندەگى ناقتى پايدالانۋشىلاردىڭ ءىس-قيمىلدارىمەن جۋرنالداردى (لوگتاردى) قاراۋ;
- پايدالانۋشىلاردىڭ جۇيەگە قول جەتكىزۋىنە ۋاقىتشا تىيىم سالۋ;
- پايدالانۋشىلارعا جۇيەگە قول جەتكىزۋى ءۇشىن باستاپقى پارولدەردى جاساۋ;
- پايدالانۋشىلارعا جۇيەگە قول جەتكىزۋىنە ءۇشىن پارولدەردى وزگەرتۋ;
- اۋتەنتيفيكاتسيادان وتپەگەن ەتسق-مەن قول جەتكىزۋ ارەكەتتەرىن قاراۋ فۋنكتسيونالىن قامتاماسىز ەتەدى.
ماج-نىڭ جۇمىس قابىلەتتىلىگىنە بايلانىستى سەبەپتەر بويىنشا ونىڭ جالپى توقتاپ قالۋ ۋاقىتى جىلىنا جيىنتىق 24 ساعاتتان اسپايدى.
«اقپاراتتاندىرۋ تۋرالى» قازاقستان رەسپۋبليكاسى زاڭىنىڭ تالاپتارىنا سايكەس:
- ماج اقپاراتتىق قاۋىپسىزدىك تالاپتارىنا سايكەستىگىن سىناۋدىڭ وڭ ناتيجەلەرى بار سىناق حاتتاماسىنا يە;
- ماج سەنىمدى باعدارلامالىق قامتاماسىز ەتۋ جانە ەلەكتروندىق ونەركاسىپ ونىمدەرىنىڭ تىزىلىمىنەن تۇرادى;
- ەلەكتروندىق اقپاراتتىق رەسۋرستار, ينتەرفەيس, تەحنيكالىق قۇجاتتاما جانە باسقا دا ىلەسپە ماج قۇجاتتارى مەملەكەتتىك جانە ورىس تىلدەرىندە جاسالادى جانە ساقتالادى.
بۇدان رەتتە, ماج اقپاراتتىق-كوممۋنيكاتسيالىق تەحنولوگيالار جانە اقپاراتتىق قاۋىپسىزدىكتى قامتاماسىز ەتۋ سالاسىنداعى بىرىڭعاي تالاپتارعا ساي بولۋى ءتيىس:
- ماج باعدارلامالىق-اپپاراتتىق قامتاماسىز ەتۋدى قازاقستان رەسپۋبليكاسىنىڭ اۋماعىندا ورنالاستىرۋ;
- اقپاراتتى كريپتوگرافيالىق قورعاۋ قۇرالدارىن پايدالانا وتىرىپ, اقپاراتتى قورعاۋدىڭ باعدارلامالىق-تەحنيكالىق قۇرالدارىن, ونىڭ ىشىندە كريپتوگرافيالىق شيفرلاۋدى قولدانۋ;
- دەرەكتەردى شيفرلاۋدى قولدايتىن ماج مالىمەتتەر بازاسىن باسقارۋ جۇيەسىن قولدانۋ;
- ماج ەلەكتروندىق اقپاراتتىق رەسۋرستارىنا قولجەتىمدىلىكتى قامتاماسىز ەتۋ ءۇشىن كوپ فاكتورلى اۋتەنتيفيكاتسيانى, ونىڭ ىشىندە تسيفرلىق سەرتيفيكاتتاردى پايدالانا وتىرىپ قولدانۋ;
- ماج اقپاراتتىق-ەسەپتەۋ رەسۋرستارىنا قول جەتكىزۋدى جانە پايدالانۋشىلاردىڭ سايكەستەندىرۋىن, اۋتەنتيفيكاتسياسىن جانە پارولدەرىن باسقارۋدى قولدانا وتىرىپ ورىندالاتىن ءىس-قيمىلداردى باقىلاۋ;
- ماج پايدالانۋشىلارىنىڭ قۇقىقتارىن وبەكتىلەردىڭ يەرارحياسى مەن ۇيىمدىق قۇرىلىمعا جاتاتىندىعىن ەسكەرە وتىرىپ, ءوزى جاسايتىن جۇمىس, توپتار جانە قول جەتكىزۋ دەڭگەيى بويىنشا اراجىگىن اجىراتۋ;
- اقپاراتتىق قاۋىپسىزدىككە اسەر ەتەتىن پايدالانۋشى ارەكەتتەرىن جۋرنالعا جازۋ;
- جۇيەلىك فايلداردى وزگەرىستەردەن جانە (نەمەسە) زاقىمدانۋلاردان قورعاۋدى ۇيىمداستىرۋ;
- ەلەكتروندىق قۇجاتتار مەن قۇجاتتاردىڭ بولىكتەرىن اۋتەنتيفيكاتسيالاۋ جانە ولارعا قول قويۋ ءۇشىن قازاقستان رەسپۋبليكاسىنىڭ اككرەديتتەلگەن كۋالاندىرۋشى ورتالىعى بەرگەن ەتسق كىلتتەرىن ساقتاۋ قويمالارىنىڭ بارلىق تۇرلەرىمەن جۇمىستى قولداۋ;
- ولار كۋالاندىرىلعان بارلىق ەتسق-مەن بىرگە ەلەكتروندىق قۇجاتتاردى جۇكتەپ الۋ;
- قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 9 جەلتوقسانداعى № 1187 بۇيرىعىمەن (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 12864 بولىپ تىركەلگەن) بەكىتىلگەن ەلەكتروندىق تسيفرلىق قولتاڭبانىڭ تۇپنۇسقالىعىن تەكسەرۋ قاعيدالارىنا سايكەس قۇجاتقا قول قويعان ادامنىڭ وكىلەتتىكتەرىن تەكسەرۋ;
- ەلەكتروندىق قۇجاتتاردى جانە ەلەكتروندىق اقپاراتتىق رەسۋرستاردى ولار كۋالاندىرىلعان بارلىق ەتسق-مەن, ۋاقىت بەلگىلەرىمەن جانە ەلەكتروندىق قۇجاتتى ساقتاۋدىڭ بۇكىل مەرزىمى ىشىندە ماج-دا قول قويىلعان كەزدە كەرى قايتارىپ الۋعا (جويۋعا) ارنالعان تىركەۋ كۋالىكتەرىن تەكسەرۋ مارتەبەسى تۋرالى اقپاراتپەن بىرگە وزگەرىسسىز ساقتاۋ.
بۇيرىق 2025 جىلعى 5 مامىردان باستاپ قولدانىسقا ەنگىزىلەدى.
