ەلىمىزدەگى ورمانشىلاردىڭ جالاقىسى ماردىمسىز

ەلىمىزدىڭ ورمان جانە تابيعات قورعاۋ ۇيىمدارىندا ەڭبەك ەتەتىندەردىڭ ءبىر بولىگى جوعارى جالاقىعا قول جەتكىزە الماي وتىر.

اتاپ ايتقاندا, ءورت ءسوندىرۋ كولىكتەرىنىڭ جۇرگىزۋشىلەرى, مۇنارا باقىلاۋشىلارى جانە راديو بايلانىسشىلارى 80 – 100 مىڭ تەڭگەنى مىسە تۇتۋعا ءماجبۇر. ال ورمان شارۋاشىلىقتارىنىڭ قىزمەتكەرلەرى ءۇشىن وتكەن جىلى ەكولوگيا مينيسترلىگى جالاقىنى ەكى ەسە كوتەرىپ بەكىتكەن ەدى. الايدا جاڭا جۇيە بارلىعىن بىردەي قامتىماعان.

ەندى بۇل ماسەلەنى سەناتورلار كوتەرىپ, ۇكىمەتكە ساۋال جولدادى. ورمان شارۋاشىلىعى مەكەمەسىندە وپەراتور بولىپ ەڭبەك ەتەتىن ولگا پۋتينتسەۆانىڭ ءومىرى وسى القاپتا ءوتىپ جاتىر. سەبەبى كۇزەتۋ ىسىنە جاۋاپتىلاردىڭ ءبىرى بولعاندىقتان كۇنى-ءتۇنى بايلانىستا. ال جالاقىسى 100 مىڭ تەڭگەدەن اسپايدى.

مەحانيكتەر مەن باقىلاۋشىلار جانە بايلانىسشىلاردىڭ دا ەڭبەكاقى وسىنداي.  ولگا پۋتينتسەۆا, ورمان شارۋاشىلىعىنىڭ كەزەكشى وپەراتورى: — وتكەن جىلى شىلدەدەن باستاپ, ورمانشىلاردىڭ ايلىق جالاقىسى 100 پروتسەنتكە ءوستى.

ال بىزدىكى 70 پروتسەنتكە كوتەرىلدى. الايدا ۇستەمە قاڭتارعا دەيىن بولدى دا, كەيىن توقتاپ قالدى. اقشا جوق دەدى. قازىر بىزدەگى ەڭ تومەنگى ەڭبەكاقى 85 مىڭ تەڭگەنى قۇرايدى جانە ازعانتاي ۇستەمە قوسىلادى.  ورمان شارۋاشىلىعىندا ەڭبەك ەتەتىندەردىڭ جالاقىسىندا ايتارلىقتاي ايىرماشىلىق بار.

بىلتىرعى جىلدىڭ شىلدەسىنەن باستاپ, باسشىلار مەن ينسپەكتورلار جانە قورىقشىلاردىڭ ايلىعى عانا 100 پروتسەنتكە وسكەن. بۇگىندە ولارعا 160 مىڭ مەن 400 مىڭ تەڭگە ارالىعىندا اقى تولەنەدى. بىراق بۇل سوما دا اتقاراتىن قىزمەتپەن سايكەس كەلمەيدى دەيدى ورمانشىلار. سەبەبى ءاربىر جۇمىسشىعا 250 گەكتار اۋماقتى باقىلاۋ جانە تالىمباقتا تال ەگىپ ءوسىرۋ سەكىلدى كوپ شارۋا جۇكتەلگەن.

الىشەر قۇرمانباەۆ, «وسكەمەن ورمان شارۋاشىلىعى» كمم باس ينجەنەرى: — ءورت سوندىرۋشىلەر, ءورت ءسوندىرۋ كولىكتەرىنىڭ جۇرگىزۋشىلەرى, كۇزەتشىلەر, ەسەپشىلەر, ءىس جۇرگىزۋشىلەر, مەحانيكتەر… ولاردىڭ جالاقىسى تومەن. سوندىقتان بولار, ونداي ماماندىقتارعا ادام تارتۋ قيىن. بىلتىر ەلىمىزدە جەتى رەزەرۆات 800 ميلليوننان استام مەملەكەتتىك دوتاتسيا العان. قارجى نەگىزىنەن تەحنيكالىق جاعدايدى جاقسارتۋعا باعىتتالىپتى. ەندى جۇمىسشىلاردىڭ احۋالىن ويلايتىن ۋاقىت كەلدى.

سالاداعى كادر  ماسەلەسى سەناتتا دا كوتەرىلدى. ءتيىستى مينيسترلىككە ساۋال جولداۋ ارقىلى دەپۋتاتتار ورمان شارۋاشىلىعىنداعى بارلىق قىزمەتكەرلەردىڭ جالاقىسىن تەڭەستىرۋدى كوزدەپ وتىر. اسىرەسە, اۋىلدىق جەردە جانە اۋىر جۇمىس ىستەيتىندەردىڭ ايلىعىنا 25 پروتسەنت قوسۋ كەرەگىن ايتادى.

مەحانيزاتورلارعا  دا ەڭبەك دەمالىسى كەزىندە ساۋىقتىرۋ ءۇشىن جاردەماقى تولەۋ قاجەت.   ولگا بۋلاۆكينا, پارلامەنت سەناتىنىڭ دەپۋتاتى: — بۇگىندە ەكولوگيا مينيسترلىگى سول جالاقىنى كوتەرۋ ءۇشىن قاۋلى جوباسىن دايىنداپ وتىر.

كورشى رەسەيدە ورمان شارۋاشىلىعى اسكەري سالامەن تەڭ. سەبەبى وندا دا كۇزەتۋ بولادى. سوندىقتان قورعاۋ ىسىنە ءمان بەرۋ كەرەك.  ءسويتىپ بيىل ءتيىستى مينيسترلىك شتاتتان تىس قىزمەتكەرلەردىڭ جالاقىسىن كوتەرۋدى جوسپارلاپ وتىر. ناتيجەسىندە 5 مىڭنان استام ادام قامتىلماق.