ELIMIZDEGI ORMANShYLARDYŃ JALAQYSY MARDYMSYZ

Elimizdiń orman jáne tabıǵat qorǵaý uıymdarynda eńbek etetinderdiń bir bóligi joǵary jalaqyǵa qol jetkize almaı otyr.

Atap aıtqanda, órt sóndirý kólikteriniń júrgizýshileri, munara baqylaýshylary jáne radıo baılanysshylary 80 – 100 myń teńgeni mise tutýǵa májbúr. Al orman sharýashylyqtarynyń qyzmetkerleri úshin ótken jyly ekologııa mınıstrligi jalaqyny eki ese kóterip bekitken edi. Alaıda jańa júıe barlyǵyn birdeı qamtymaǵan.

Endi bul máseleni senatorlar kóterip, Úkimetke saýal joldady. Orman sharýashylyǵy mekemesinde operator bolyp eńbek etetin Olga Pýtınevanyń ómiri osy alqapta ótip jatyr. Sebebi kúzetý isine jaýaptylardyń biri bolǵandyqtan kúni-túni baılanysta. Al jalaqysy 100 myń teńgeden aspaıdy.

Mehanıkter men baqylaýshylar jáne baılanysshylardyń da eńbekaqy osyndaı.  Olga Pýtıneva, orman sharýashylyǵynyń kezekshi operatory: — О́tken jyly shildeden bastap, ormanshylardyń aılyq jalaqysy 100 proentke ósti.

Al bizdiki 70 proentke kóterildi. Alaıda ústeme qańtarǵa deıin boldy da, keıin toqtap qaldy. Aqsha joq dedi. Qazir bizdegi eń tómengi eńbekaqy 85 myń teńgeni quraıdy jáne azǵantaı ústeme qosylady.  Orman sharýashylyǵynda eńbek etetinderdiń jalaqysynda aıtarlyqtaı aıyrmashylyq bar.

Byltyrǵy jyldyń shildesinen bastap, basshylar men ınspektorlar jáne qoryqshylardyń aılyǵy ǵana 100 proentke ósken. Búginde olarǵa 160 myń men 400 myń teńge aralyǵynda aqy tólenedi. Biraq bul soma da atqaratyn qyzmetpen sáıkes kelmeıdi deıdi ormanshylar. Sebebi árbir jumysshyǵa 250 gektar aýmaqty baqylaý jáne tálimbaqta tal egip ósirý sekildi kóp sharýa júktelgen.

Álisher Qurmanbaev, «О́skemen orman sharýashylyǵy» KMM bas ınjeneri: — О́rt sóndirýshiler, órt sóndirý kólikteriniń júrgizýshileri, kúzetshiler, esepshiler, is júrgizýshiler, mehanıkter… Olardyń jalaqysy tómen. Sondyqtan bolar, ondaı mamandyqtarǵa adam tartý qıyn. Byltyr elimizde jeti rezervat 800 mıllıonnan astam memlekettik dotaııa alǵan. Qarjy negizinen tehnıkalyq jaǵdaıdy jaqsartýǵa baǵyttalypty. Endi jumysshylardyń ahýalyn oılaıtyn ýaqyt keldi.

Saladaǵy kadr  máselesi Senatta da kóterildi. Tıisti mınıstrlikke saýal joldaý arqyly depýtattar orman sharýashylyǵyndaǵy barlyq qyzmetkerlerdiń jalaqysyn teńestirýdi kózdep otyr. Ásirese, aýyldyq jerde jáne aýyr jumys isteıtinderdiń aılyǵyna 25 proent qosý keregin aıtady.

Mehanızatorlarǵa  da eńbek demalysy kezinde saýyqtyrý úshin járdemaqy tóleý qajet.   Olga Býlavkına, Parlament Senatynyń depýtaty: — Búginde ekologııa mınıstrligi sol jalaqyny kóterý úshin qaýly jobasyn daıyndap otyr.

Kórshi Reseıde orman sharýashylyǵy áskerı salamen teń. Sebebi onda da kúzetý bolady. Sondyqtan qorǵaý isine mán berý kerek.  Sóıtip bıyl tıisti mınıstrlik shtattan tys qyzmetkerlerdiń jalaqysyn kóterýdi josparlap otyr. Nátıjesinde 5 myńnan astam adam qamtylmaq.