ەلىمىزدەگى جوو-لاردا جاساندى ينتەللەكت ماماندارى دايارلانادى

قازاقستاندا جاساندى ينتەللەكت سالاسىنداعى مامانداردى دايارلاۋ ماقساتىندا 20 جوعارى وقۋ ورنىندا ارنايى باعدارلامالار ىسكە قوسىلدى. بۇل تۋرالى ۇكىمەتتىڭ كەڭەيتىلگەن وتىرىسىندا پرەمەر-مينيستر ولجاس بەكتەنوۆ مالىمدەدى, دەپ حابارلايدى qandastar.kz

باعدارلاما اياسىندا جاساندى ينتەللەكتكە باعىتتالعان جاڭا ماماندىقتار اشىلىپ, «بولاشاق» باعدارلاماسى بويىنشا ارنايى كۆوتا بولىنگەن. سونىمەن قاتار, 100 مىڭ ستۋدەنتتى جاساندى ينتەللەكتتى ەكونوميكا سالالارىنا ەنگىزۋ بويىنشا قولدانبالى داعدىلارعا وقىتۋ جوسپارلانۋدا.

پرەمەر-ءمينيستردىڭ ايتۋىنشا, قازاقستاندا ISSAI KAZ-LLM اتتى ءبىرىنشى وتاندىق جاساندى ينتەللەكت ءتىلى مودەلى جاسالعان. بۇل مودەل ۇزدىكسىز جاتتىعۋ ۇستىندە جانە ەلدىڭ جاساندى ينتەللەكت سالاسىن دامىتۋعا نەگىز بولادى.

استانا حابى جاساندى ينتەللەكت جوبالارىن قولداۋدىڭ ءتيىمدى الاڭىنا اينالدى. قازىرگى تاڭدا مۇندا 1600 IT-كومپانيا تىركەلگەن. سونىڭ ىشىندە Alaqan جۇيەسى ەرەكشە نازار اۋدارادى. بۇل جۇيە پايدالانۋشىلاردى الاقان ارقىلى تانۋعا مۇمكىندىك بەرەدى جانە 300 مەكتەپ پەن ۇكىمەت عيماراتىندا ەنگىزىلگەن. جاقىن ارادا بۇل جۇيە ساۋد ارابياسى, سينگاپۋر, كۋۆەيت جانە باسقا ەلدەرگە ەكسپورتتالادى.

تاعى ءبىر تابىستى جوبا – Higgsfield AI, ول ماتىننەن بەينە جاساۋ جانە رەداكتسيالاۋ تەحنولوگياسىن ۇسىنادى. جوبانىڭ قۇنى 100 ملن دوللار دەپ باعالانۋدا. سونىمەن قاتار, بالالاردى باعدارلامالاۋعا وقىتۋعا ارنالعان قازاقستاندىق تەحنولوگيا 13 ەلدە, ونىڭ ىشىندە وڭتۇستىك كورەيا, تۇركيا, ۇلىبريتانيا, كاتار جانە باسقا مەملەكەتتەردە قولدانىلۋدا.