Elimizdegi JOO-larda jasandy ıntellekt mamandary daıarlanady

Qazaqstanda jasandy ıntellekt salasyndaǵy mamandardy daıarlaý maqsatynda 20 joǵary oqý ornynda arnaıy baǵdarlamalar iske qosyldy. Bul týraly úkimettiń keńeıtilgen otyrysynda premer-mınıstr Oljas Bektenov málimdedi, dep habarlaıdy qandastar.kz

Baǵdarlama aıasynda jasandy ıntellektke baǵyttalǵan jańa mamandyqtar ashylyp, «Bolashaq» baǵdarlamasy boıynsha arnaıy kvota bólingen. Sonymen qatar, 100 myń stýdentti jasandy ıntellektti ekonomıka salalaryna engizý boıynsha qoldanbaly daǵdylarǵa oqytý josparlanýda.

Premer-mınıstrdiń aıtýynsha, Qazaqstanda ISSAI KAZ-LLM atty birinshi otandyq jasandy ıntellekt tili modeli jasalǵan. Bul model úzdiksiz jattyǵý ústinde jáne eldiń jasandy ıntellekt salasyn damytýǵa negiz bolady.

Astana haby jasandy ıntellekt jobalaryn qoldaýdyń tıimdi alańyna aınaldy. Qazirgi tańda munda 1600 IT-kompanııa tirkelgen. Sonyń ishinde Alaqan júıesi erekshe nazar aýdarady. Bul júıe paıdalanýshylardy alaqan arqyly tanýǵa múmkindik beredi jáne 300 mektep pen úkimet ǵımaratynda engizilgen. Jaqyn arada bul júıe Saýd Arabııasy, Sıngapýr, Kýveıt jáne basqa elderge eksporttalady.

Taǵy bir tabysty joba – Higgsfield AI, ol mátinnen beıne jasaý jáne redakııalaý tehnologııasyn usynady. Jobanyń quny 100 mln dollar dep baǵalanýda. Sonymen qatar, balalardy baǵdarlamalaýǵa oqytýǵa arnalǵan qazaqstandyq tehnologııa 13 elde, onyń ishinde Ońtústik Koreıa, Túrkııa, Ulybrıtanııa, Katar jáne basqa memleketterde qoldanylýda.