جاڭالىقتار
ەلىمىزدىڭ 4 وڭىرىندە ءدىني راديكالدار ۇستالدى
ولار استانا, شىمكەنت قالالارى مەن اتىراۋ, جامبىل وبلىستارىندا ارەكەت ەتكەن,-دەپ حابارلايدى Qandastar.kz
بۇل تۋرالى ۇلتتىق قاۋىپسىزدىك كوميتەتىنىڭ ءباسپاسوز قىزمەتى حابارلادى.
«4 قازاقستاندىق پەن 1 شەتەلدىك تەرروريستىك ارەكەتتەرگە قاتىسۋعا, ەكسترەميستىك ارەكەتتەردى ۇيىمداستىرۋعا جانە وسى ماقساتتا ادامداردى تارتۋعا دەگەن كۇدىكپەن ۇستالدى. ولاردىڭ تۇرعىلىقتى جەرلەرىنەن كوپتەگەن ءدىني-ەكسترەميستىك ادەبيەت پەن وزگە دە زاتتاي دالەلدەمەلەر الىندى»,—دەلىنگەن حابارلامادا.
ۇقك مالىمەتىنشە, كۇدىكتىلەردىڭ ءبىرى بۇعان دەيىن شەت مەملەكەتتىڭ اۋماعىندا سوعىس ارەكەتتەرىنە قاتىسىپ, ول ءۇشىن قازاقستاندا سوتتالعان. تاعى ەكەۋىنە قاتىستى «اۋىر» ەسىرتكىنى ۇنەمى قولدانعانى تۋرالى اقپارات تەكسەرىلۋدە.
