جاڭالىقتار
ەلىمىزدىڭ 8 وڭىرىندە توتەنشە جاعداي ساقتالۋدا
![](https://qandastar.kz/wp-content/uploads/2024/04/IMG_5143.jpeg)
ەلىمىزدىڭ 8 وڭىرىندە جەرگىلىكتى دەڭگەيدەگى توتەنشە جاعداي ساقتالۋدا. Cۋ باسقان ايماقتاردان 8 ملن تەكشە مەتردەن اسا قار سۋى سورىلدى.
اپات ورىندارىنا 1 ملن 200 مىڭنان اسا قاپشىق پەن ميلليوننان اسا ينەرتتى ماتەريال توسەلگەن. قۇتقارۋ جۇمىستارىنا 23 مىڭ ادام, 448 سۋ سورۋ جانە 130-دان اسا ءجۇزۋ قۇرالى, سونداي-اق 6 اۋە كەمەسى جۇمىلدىرىلدى. ولار 88 مىڭعا جۋىق تۇرعىندى قاۋىپسىز جەرگە كوشىردى. ونىڭ 30 مىڭى بالا. ەۆاكۋاتسيالاۋ ورىندارىنا 7 مىڭنان استام ادام ورنالاستىرىلدى. قازىر اەروۆيزۋالدى تەكسەرۋ جانە درونداردى پايدالانۋ ارقىلى وزەندەر مەن سۋ قويمالارىنداعى جاعدايعا مونيتورينگ جۇرگىزىلىپ جاتىر. ەراسىل سايپاش, قر تجم ازاماتتىق قورعانىس جانە اسكەري بولىمدەر كوميتەتىنىڭ اعا وفيتسەرى: – سوڭعى تاۋلىكتە جەكە قۇرامنىڭ 525 ادامى جانە 100-گە جۋىق تەحنيكاسى جۇمىلدىرعان تجم كۇشتەرى مەن قۇرىلىمدارى الماتى قالاسىنان جانە قاراعاندى, پاۆلودار, ۇلىتاۋ وبلىسىنان.
سونداي-اق استانا قالاسىنىڭ قورعانىس مينيسترلىگىنىڭ 58-665 اسكەري بولىمىنەن قۇرىلىمدار سقو جونەلتىلدى.