ELIMIZDIŃ AÝYL ShARÝAShYLYǴY SALASYNDA TEHNIKA JETISPEIDI

Eski traktor, kombaındarmen mol ónim alý múmkin emes.

Almatyda bas qosqan ınjenerler men aýylsharýashylyǵy salasynyń mamandary osylaı deıdi.

Jańa tehnologııalardy engizýdi jedeldetý úshin áýeli maman daıarlaýdy kúsheıtken jón. Ǵylymı tehnıkalyq-ınjenerlik korpýs shetelden ákelingen robottar men avtomatty qurylǵylardy áýeli beıimdep, ári qaraı damytýǵa atsalysady.

Iaǵnı osy saladaǵy ozyq tehnologııany elimizde óndirý, qurastyrý asa mańyzdy. Mysaly, Qytaı fermerleri drondardy paıdalaný arqyly shegirtke syndy zııankestermen kúresti tıimdi júrgizip otyr.

Al Eýropa elderinde tamshylatyp sýarý syndy tehnologııa keńinen damyǵan. Amandyq Tóleshov, Ulttyq ınjenerlik akademııasynyń vıe-prezıdenti: – Kóp elde kóp nárse damyp ketti ǵoı. Sony durystap paıdalanýymyz kerek.

Ony basynan bastap ózimiz jasaımyz degen bolmaıdy. Sebebi biz birinshiden ony meńgerýimiz kerek, ári qaraı damytýymyz kerek dep oılaımyn. Soǵan baılanysty kadr daıyndap, ary qaraı tehnologııany jetildirýimiz kerek. Eske sala keteıik, Memleket basshysy Qasym-Jomart Toqaev byltyr qyrkúıektegi joldaýynda aýylsharýashylyǵyna túbegeıli ózgeris qajet ekenin, tehnıkanyń 80%-i tozyp turǵanyn aıtqan bolatyn.