Elimizdiń ishki ister mınıstrligi reseılikterge Qazaqstan azamattyǵyn satý týraly aqparatty joqqa shyǵardy

Foto: ashyq derekkóz

BAQ betterinde reseılikter Qazaqstan azamattyǵyn 6500 eýroǵa satyp ala alatyny týraly aqparat tarady. Elimizdiń ishki ister mınıstrligi osy qaýesetke qatysty pikir bildirdi. Bul týraly qandastar.kz  Stan.kz aqparat agenttigi habarlaıdy.

Jelide reseılikter Qazaqstan azamattyǵyn 6500 eýroǵa, odan qaldy bólip tóleý múmkindigimen satyp alýǵa bolatyny týraly aqparat taraǵan edi. Ishki ister mınıstrligi bul aqparatty joqqa shyǵardy.

«Internette ishki ister organdarynda birqatar kóshi-qon qyzmetterin alý, onyń ishinde azamattyqqa qabyldaý, qujattardy jınaý jáne resimdeý qyzmetterin kórsetetin kompanııalardyń jarnamalary jarııalanyp júr», – delingen habarlamada.

Vedomstvo azamattarǵa alaıaqtardyń arbaýyna túsip qalýy múmkin ekenin eskertti.

“Aıta ketý kerek, bul fırmalar azamattyqty da, jeke basyn kýálandyratyn qujattardy da bermeıdi. Osyǵan baılanysty IIM osy saladaǵy ınternet arqyly alaıaqtyqtyń yqtımal jaǵdaılary týraly eskertedi. Qazaqstan azamattyǵyn alý úshin ótinish bildirýshiler ishki ister organdaryna jeke ózi júginýge tıis. Bul rette qujattardy senimhat boıynsha nemese úshinshi tulǵalar arqyly berýge tyıym salynady”, – dep málimdedi ishki ister mınıstrligi.