ەلىمىزدىڭ تەڭىز جاياۋ اسكەرلەرى اتىراۋ وبلىسىنا كومەككە اتتاندى

ەلىمىزدىڭ تەڭىز جاياۋ اسكەرلەرى تاسقىن سۋدان زارداپ شەككەن اتىراۋ وبلىسىنا كومەككە اتتاندى. 300-دەن اسا سارباز ارنايى كيىم,  قۇرالدارمەن جاراقتانعان.

بۇگىن ساربازداردىڭ كەزەكتى لەگى مىنگەن جۇك كولىكتەرى اقتاۋداعى اسكەري بازادان شىقتى. جوسپار بويىنشا كولوننا ورتا جولدا ۆاگوندار مەن پلاتفورمالارعا اۋىسادى. ودان ءارى كورشى وڭىرگە تەمىرجولمەن بارادى. دىتتەگەن جەرگە جەتكەسىن, بريگادا بولىمشەلەرى شۇعىل كومەك قاجەت اۋداندارعا بولىنەدى.

سانجار تەمىروۆ, شابۋىلداۋ باتالونىنىڭ ساربازى: — اتىراۋ وبلىسى, قۇلسارى قالاسىنىڭ تۋماسىمىن. قازىرگى تاڭدا ەلىمىزدە بولىپ جاتقان قيىنشىلىقتاردا 390-شى اسكەري تەڭىز جاياۋ اسكەرى بريگاداسى قۇلسارى قالاسىنا كومەگىن, قول ۇشىن سوزباق. ازامات سۇلەيمەنوۆ, №25744 اسكەري ءبولىمىنىڭ كومانديرى: — 300-دەن اسا قىزمەتشىسى مەن 15-كە جۋىق اسكەري تەحنيكاسىن ءدال قازىر اتىراۋ قالاسىنداعى جەرگىلىكتى تۇرعىندارعا كومەك كورسەتۋ ءۇشىن تەمىرجول كولىگىمەن تاسىمالداۋعا دايىندىق جۇرۋدە. №25744 اسكەري ءبولىمىنىڭ جەكە قۇرامى حالىققا بارىنشا قىزمەت كورسەتۋگە دايىن.